2022 جىل باستالعالى بەرٸ ەلٸمٸز بويىنشا 600-دەن استام پەتەر توناۋشى ۇرى ۇستالدى. بۇل تۋرالى قر ٸٸم كريمينالدىق پوليتسييا دەپارتامەنتٸنٸڭ اسا ماڭىزدى ٸستەر جٶنٸندەگٸ اعا جەدەل ۋەكٸلٸ ساعىندىق جانتەمٸروۆ مەلٸم ەتتٸ, دەپ حابارلايدى قازاقپارات.
«پەتەر ۇرلىعى نەمەسە ٷيدٸ توناۋ قىلمىسىمەن كٷرەسۋ ماقساتىندا بٸزدٸڭ مينيسترلٸك زاڭنامانى جەتٸلدٸرٸپ, بٸرقاتار پراكتيكالىق شارا قابىلداپ جاتىر. تالداۋ نەتيجەسٸ كٶرسەتٸپ وتىرعانداي پەتەر ۇرىلارىنىڭ دەنٸ بۇرىن ٸستٸ بولعان نەمەسە جاساعان ۇرلىعى كەشٸرٸلگەن جاندار. وسى ورايدا 2018-2019 جىلدارى ەلٸمٸزدٸڭ قىلمىستىق كودەكسٸنە ٶزگەرٸستەر مەن تولىقتىرۋلار ەنگٸزٸلدٸ. وعان سەيكەس پەتەر ۇرلىعىن جاساۋ قايتالانسا اۋىر قىلمىس بولىپ ەسەپتەلەدٸ. سول سيياقتى ايىپتىنىڭ كٸنەسٸ دەلەلدەنگەن جاعدايدا 7 جىلعا دەيٸن باس بوستاندىعىنان ايىرىلادى», - دەدٸ ساعىندىق جانتەمٸروۆ ٸٸم-دە ٶتكەن باسپاسٶز مەسليحاتىندا.
ونىڭ ايتۋىنشا, پەتەر ۇرلىعىنىڭ الدىن الۋ مەن قىلمىس بارىسىن اشۋدا بەينەباقىلاۋ كامەرالارى تاپتىرماس قۇرال.
«بٷگٸندە ەلٸمٸز بويىنشا كٶپقاباتتى ٷي اۋلالارىندا 68 مىڭنان استام بەينەباقىلاۋ كامەراسى ورناتىلعان. ودان بٶلەك 22 مىڭنان استام بەينەباقىلاۋ كامەراسىن تۇرعىنداردىڭ ٶزدەرٸ ورناتتى. قابىلدانىپ جاتقان شارالاردىڭ نەتيجەسٸندە اتالعان قىلمىس تٷرٸمەن كٷرەس ٶز نەتيجەسٸن بەرٸپ جاتىر. جىل باسىنان بەرٸ ەل اۋماعىندا 600-دەن استام پەتەر ۇرىسى ۇستالدى. سونىمەن قاتار 29 قىلمىستىق توپ قۇرىقتالدى. ونىڭ ٸشٸندە 36 كٶشپەلٸ ۇرى بار. ياعني ەر قالاعا بارىپ پەتەر توناۋشىلار», - دەيدٸ ول.
