2020 jyldyń basynan beri áleýmettik meditsinalyq saqtandyrý qory QR Densaýlyq saqtaý ministrligi komissiiasynyń sheshimimen shetelge emdelýge 47 patsientti jiberdi: 31 adam qajetti kómekti tolyq kólemde aldy, 16 qazaqstandyq emin jalǵastyryp jatyr, dep habarlaidy "Ult aqparat".
Taǵy bes patsient emdelýge joldama kútýde, sebebi aýrýhanaǵa jatqyzý kúni keshirek belgilengen.
2020 jyldyń 1 qazanyndaǵy jaǵdai boiynsha Áleýmettik meditsinalyq saqtandyrý qory sheteldik klinikalarmen 787 mln teńge somaǵa shart jasasty.
Qarajat týys emes donordan súiek kemigin transplanttaýdy júrgizýge, aǵzalardy transplanttaýǵa, stereotaksikalyq radioterapiiaǵa/radiohirýrgiialyq emdeýge, protondyq terapiiaǵa baǵyttalǵan. Osylaisha, shetelde emdeletin negizgi aýrýlar transplantatsiia, onkogematologiia jáne jeke organdardyń onkologiiasy profilderine jatady.
«Qazaqstandyqtar 2012 jyldan bastap biýdjet esebinen shetelge emdelýge barady. Bul baǵdarlama bizdiń elimizde áli damymaǵan nemese ótkizilmegen joǵary tehnologiialyq qyzmet túrlerin alý múmkindigin qamtamasyz etý úshin qurylǵan», - dep atap ótti Áleýmettik meditsinalyq saqtandyrý qory.
Azamattardy shetelge emdelýge jiberý tegin meditsinalyq kómektiń kepildik berilgen kólemi sheńberinde júzege asyrylady. Memleket sondai-aq patsienttiń jáne onyń alyp júrýshileriniń kólik shyǵyndaryn óteidi.
Baǵdarlama patsientter jeke qarajaty úshin sheteldik meditsinalyq klinikalarǵa emdelýge baratyn jaǵdailarǵa qoldanylmaidy.
Shetelde emdeýdiń oryndylyǵy týraly máseleni qaraý úshin patsient respýblikalyq densaýlyq saqtaý uiymyna (ǴZI, meditsinalyq ortalyq) júginýi qajet, ol patsientti shetelge emdelýge jiberý týraly qorytyndy shyǵarady, qujattar paketin ÁMSQ bazasynda jumys isteitin shetelde emdeýdi uiymdastyrý jónindegi komissiianyń jumys organynyń qaraýyna usynady. Jumys organy týraly aqparatty myna siltemeden tabýǵa bolady.
Sońǵy sheshimdi alqaly organ bolyp tabylatyn densaýlyq saqtaý ministrliginiń Saraptama komissiiasy qabyldaidy. Shetelde em qabyldaýǵa úmitker patsientter qujattaryn qarastyrý kezeńderin óz ótinim kodtary arqyly komissiia jumys organynyń bóliminde qadaǵalai alady.
Patsientterge ótinim kody olardyń qujattary jumys organyna túsken ýaqytta jumys organy qyzmetkerlerimen beriledi.
Qazaqstan Resei, Belarýs, Túrkiia, Ońtústik Koreia, Úndistan, Germaniia, Ispaniia jáne t. b. aldyńǵy qatarly beiindi klinikalarmen yntymaqtastyq ornatqan. Sheteldik meditsinalyq uiymdy tańdaýdaǵy negizgi kriteriiler – qajetti emdeý baǵdarlamasynyń bolýy, emdeýdiń innovatsiialyq ádisterin paidalaný, baǵa saiasaty.
Budan basqa, bul baǵdarlama respýblikalyq meditsinalyq uiymdar bazasynda Qazaqstanda joǵary tehnologiialyq meditsinalyq qyzmetterdiń damýyn yntalandyrady. Tartylǵan sheteldik mamandar jergilikti dárigerlerge sheberlik sabaqtaryn ótkizedi.
Jyl saiyn biýdjet qarajaty esebinen shetelge emdelýge 100-den astam patsient jiberiledi, sheteldik mamandardy tarta otyryp, master-klastar sheńberinde otandyq meditsinalyq uiymdarda emdelýge 30-dan astam patsient jiberiledi.
