Qańtar-naýryz ailarynda munai óndirý jáne eksporttaý kórsetkishterinde ósim baiqalady. Bul týraly QR Energetika ministri Bolat Aqsholaqov aitty, dep habarlaidy QazAqparat.
«Aldyn ala derekter boiynsha, biylǵy qańtar-naýryzda munai jáne kondensat óndirý kólemi 22,7 mln tonnany qurady. Onyń ishinde, Teńizde – 7,3 mln tonna, Qashaǵanda – 4,7 mln tonna jáne Qarashyǵanaqta 3,2 mln tonna munai óndirildi», - dedi Energetika ministri Úkimet otyrysynda.
Onyń aitýynsha, esepti kezeńde 17,6 mln tonna munai eksporttaldy, bul ótken jyldyń sáikes kezeńimen salystyrǵanda 5,3%-ǵa artyq.
«Gaz salasy týraly aitatyn bolsaq, jyl basynan beri 15 mlrd tekshe metr gaz óndirildi, bul ótken jyldyń osy kezeńine qaraǵanda 8,2%-ǵa óskenin kórsetedi. Taýarlyq gazdy ishki tutyný kólemi 6,7 mlrd tekshe metrdi qurady. Bul rette, ishki tutynýdyń ulǵaiýyna bailanysty gaz eksporty kólemi tómendedi», - dedi B. Aqsholaqov.
