1 aqpandaǵy jaǵdai boiynsha 1 820 etnikalyq qazaq tarihi otanymen qaýyshyp, qandas mártebesin aldy, dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
Jalpy 1991 jyldan beri 1 million 89,7 myń etnikalyq qazaq elge oralǵan.
Jyl basynan Qazaqstanǵa kelgen qandastardyń jartysynan kóbi (73,5%) – Ózbekstannan, 11,8% – Qytaidan, 3,7% – Túrikmenstannan, 3,1% – Mońǵoliiadan jáne 8,1% basqa elderden.
Kelgen etnikalyq qazaqtar negizinen Almaty (28,5%), Mańǵystaý (15,7%), Túrkistan (14,0%) jáne Jambyl (6,6%) oblystaryna, sondai-aq Almaty (6,4%), Nýr-Sýltan (7,4%) jáne Shymkent (8%) qalalaryna qonystandy.
Osy jylǵy 1 aqpandaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 59,9%-dy, eńbekke qabiletti jastan kishi 24,3%-dy jáne zeinetkerler 15,8%-dy quraidy.
Eńbekke qabiletti jastaǵy qandastardyń ishinen bilim deńeii boiynsha 12%-y joǵary bilimdi, 39,8%-y orta kásibi bilimdi, 47,1%-y jalpy orta bilimdi jáne 1,1%-ynyń bilimi joq.
