foto: ashyq derekkóz
Qazaqstanda jyl saiyn kún jylyna bastaǵanda, sondai-aq jazǵy mektep demalysy kezinde balalardyń terezeden qulaýy jiileidi. Ondai jaǵdaida balalar aýyr jaraqat alyp, múgedek bolyp qalyp jatady nemese ómirimen qoshtasýy da múmkin.
Tótenshe jaǵdailar ministrliginiń dereginshe 2024 jyldyń basynan beri (10.07 jaǵdai boiynsha) 112 shuǵyl áreket etý qyzmeti kezekshisiniń pýltine turǵyn úilerdiń terezelerinen balalardyń qulaǵany týraly 102 habarlama kelip tústi. Osylaisha, apat saldarynan jeti adam qaitys boldy, qalǵan 95-i ártúrli jaraqattarmen aýrýhanaǵa jatqyzyldy.
Oqys oqiǵalar Astana (18), Almaty (2), Shymkent (5) qalalarynda, Qaraǵandy (12), Batys Qazaqstan (6), Shyǵys Qazaqstan (3), Qyzylorda (13), Atyraý (5), Jambyl (2), Qostanai (6), Aqmola (5), Aqtóbe (2), Pavlodar (6), Soltústik Qazaqstan (1), Mańǵystaý (5), Abai (5), Ulytaý (5), Jetisý (1) oblystarynda bolǵan.
"Ótken jyly osyndai 170 jaǵdai tirkeldi, ol kezde 2 men 13 jas aralyǵyndaǵy balalar eresekterdiń qaraýynsyz qalyp, terezelerden qulaǵan. Barlyq jaǵdaida balalar terezege ózdiginen kóterilip, tireýish retinde ártúrli jihazdardy qoldanǵan nemese moskit toryna súienip, onymen birge terezeden qulap ketken. Tótenshe jaǵdailar ministrligi eresekterdiń qaraýynsyz qalǵan balalardyń qaýipsizdigine alańdaýshylyq bildiredi", -delingen habarlamada.
Úide bolǵan kezde balalar, eń aldymen olardyń ata-analary qaýipsizdik erejelerin saqtaýy kerek, -dep eskertedi TJM. Árbir ata-ana balanyń terezeden nemese balkonnan qulap ketý qaýpin azaitý sharalaryn bilýi kerek:
Úide kishkentai bala bolsa, terezelerdi ashyq qaldyrmańyz. Óitkeni nazaryńyzdy bir sekýndqa basqa jaqqa aýdarýdyń ózi balanyń ómirindegi sońǵy sát bolýy nemese onyń birjola múgedek bolyp qalýy úshin jetkilikti;
Terezeni tiisti qorǵaýmen jabdyqtalmaǵan moskit torlaryn paidalanbańyz - balalar mundai torlarǵa súienip, nátijesinde olarmen birge qulap túsedi;
Balalar ózdiginen terezeni asha almaityndai etip, qaýipsizdik qulyptaryn ornatyńyz;
Balany qaraýsyz qaldyrmańyz, ásirese terezeler men shyny esikterdiń janynda oinaýǵa jol bermeńiz;
Balalar terezeniń aldyna shyǵa almaityndai, jihazdardy onyń janyna qoimańyz.
