2021 jylǵy 1 tamyzdaǵy jaǵdai boiynsha 10 398 adam tarihi otanyna oralyp, qandas mártebesin aldy, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Jalpy 1991 jyldan beri respýblikaǵa 1 million 80,7 myń etnikalyq qazaq oraldy.
Osy jyldyń basynan bastap Qazaqstanǵa kelgen qandastardyń jartysynan astamy (76,4%) Ózbekstannan, 10,1% – QHR-dan, 6,4% – Túrkimenstannan, 2,5% – Mońǵoliiadan jáne 4,6% – basqa elderden kelgender bolyp tabylady.
Kelgen etnikalyq qazaqtar negizinen Almaty (29,8%), Túrkistan (14,2%), Mańǵystaý (18,4%) jáne Jambyl (8,3%) oblystaryna, sondai-aq Shymkent (10,6%) qalasyna qonystandy.
Aǵymdaǵy jyldyń 1 tamyzyndaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 55,4%-dy, eńbekke qabiletti jastan kishi 26,2%-dy jáne zeinetkerler 18,4%-dy quraidy.
Eńbekke qabiletti jastaǵy qandastardyń ishinen bilim deńgeii boiynsha 11%-y joǵary bilimdi, 39,6%-y orta kásibi bilimdi, 45,6%-y jalpy orta bilimdi jáne 3,8%-nyń bilimi joq.
