2021 جىلعى 1 تامىزداعى جاعداي بويىنشا 10 398 ادام تاريحي وتانىنا ورالىپ, قانداس مەرتەبەسٸن الدى, دەپ حابارلايدى "ۇلت اقپارات" ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
جالپى 1991 جىلدان بەرٸ رەسپۋبليكاعا 1 ميلليون 80,7 مىڭ ەتنيكالىق قازاق ورالدى.
وسى جىلدىڭ باسىنان باستاپ قازاقستانعا كەلگەن قانداستاردىڭ جارتىسىنان استامى (76,4%) ٶزبەكستاننان, 10,1% – قحر-دان, 6,4% – تٷركٸمەنستاننان, 2,5% – موڭعولييادان جەنە 4,6% – باسقا ەلدەردەن كەلگەندەر بولىپ تابىلادى.
كەلگەن ەتنيكالىق قازاقتار نەگٸزٸنەن الماتى (29,8%), تٷركٸستان (14,2%), ماڭعىستاۋ (18,4%) جەنە جامبىل (8,3%) وبلىستارىنا, سونداي-اق شىمكەنت (10,6%) قالاسىنا قونىستاندى.
اعىمداعى جىلدىڭ 1 تامىزىنداعى جاعداي بويىنشا ەڭبەككە قابٸلەتتٸ جاستاعى ەتنيكالىق قونىس اۋدارۋشىلار سانى 55,4%-دى, ەڭبەككە قابٸلەتتٸ جاستان كٸشٸ 26,2%-دى جەنە زەينەتكەرلەر 18,4%-دى قۇرايدى.
ەڭبەككە قابٸلەتتٸ جاستاعى قانداستاردىڭ ٸشٸنەن بٸلٸم دەڭگەيٸ بويىنشا 11%-ى جوعارى بٸلٸمدٸ, 39,6%-ى ورتا كەسٸبي بٸلٸمدٸ, 45,6%-ى جالپى ورتا بٸلٸمدٸ جەنە 3,8%-نىڭ بٸلٸمٸ جوق.
