Mindetti áleýmettik meditsinalyq saqtandyrýdy tiimdi iske asyrýymyz qajet. Bul týraly búgin QR Densaýlyq saqtaý ministrliginiń alqa otyrysynda Úkimet basshysynyń orynbasary Eraly Toǵjanov aitty, dep habarlaidy "Ult aqparat".
«Mindetti áleýmettik meditsinalyq saqtandyrýdy tiimdi iske asyrýymyz qajet. Qazirgi tańda elimizdiń halqynyń 92,3 paiyzy shartty túrde saqtandyryldy. Tehnikalyq daiyndyq 100 paiyzǵa qamtamasyz etilip otyr. 97 paiyzy elektrondy densaýlyq tólqujatyna engizildi. Munyń ózi az jumys emes. Biraq, biraz azamat syrt qalyp otyr, 1,5 millionǵa jýyq adam bar. Onyń bárin naqtylap anyqtaý qajet. Oǵan ýaqyt bar. Naýryz aiynyń ishinde osy jumysty atqarýǵa múmkindik jetkilikti»,- dedi Erlay Toǵjanov.
Osy rette Úkimet basshysynyń orynbasary Densaýlyq saqtaý ministrligine jergilikti ákimdiktermen birlesip, osy jyldyń 1 sáýirine deiin atalǵan jumysty aiaqtaýdy tapsyrdy.
«Júielik qatelikterge bailanysty azamattar meditsinalyq kómekten tys qalmaýy kerek ekendigin esterińizge salamyn», - dedi Premer-Ministrdiń orynbasary.
