Prezident Qasym-Jomart Toqaev Nur Otan partiiasyna sybailas jemqorlyqqa qarsy paidaly bastamalar usynýdy tapsyrdy, dep habarlaidy QazAqparat.
«Nur Otan partiiasy men jariialaǵan sybailas jemqorlyqqa qarsy aiaýsyz kúrestiń aldyńǵy shebinde bolyp, osy kúrdeli problema jóninde paidaly bastamalar usynýy tiis. Júieli sybailas jemqorlyqtyń qańtardaǵy kóterilisterdiń ózindik triggerine ainalǵany esh jasyryn emes», - dedi Memleket basshysy Nur Otan partiiasynyń kezekten tys XXI sezinde.
Prezident qoǵamda azamattardyń sybailas jemqorlyq ádetinen múldem bas tartýyn qalyptastyrý mańyzdy ekenin aitty.
«Bul jumys azamattyq qoǵamdy jumyldyrýsyz múmkin bolmaidy, partiia onyń ajyramas bóligi bolyp sanalady. Sondyqtan partiia óziniń sybailas jemqorlyqqa qarsy strategiiasyn jańa mazmunmen tolyqtyrýy kerek», - dedi Qasym-Jomart Toqaev.
