Terroristik qaqtyǵys alańdarynan Qazaqstanǵa qaitarylǵan balalardyń aldy Olimpiada júldegeri atana bastady, dep habarlaidy QazAqparat.
Bul jaǵymdy jańalyqty Ortalyq kommýnikatsiialar qyzmetinde ótken brifingide Balalardyń quqyqtaryn qorǵaý komiteti tóraǵasynyń orynbasary Iýliia Ovechkina aitty.
«Byltyr Ana men bala quqyǵyn qorǵaý máseleleri týraly zań jobasynyń aiasynda bilim salasyndaǵy ýákiletti organ retinde bizdiń komitetke tiisti quzyret berilgen bolatyn. Sol quzyret boiynsha terroristik áreketterden zardap shekken balalardy áleýmettik ońaltý erejelerin daiyndaýǵa mindet alǵanbyz. Byltyr qyrkúiekte sol erejelerdi qabyldaǵan edik. Terroristik qaqtyǵys alańdarynan qaitarlyǵan balalarǵa kórsetiletin kómektiń túri men kólemi osy erejede qarastyrylǵan», - deidi komitet ókili.
Iýliia Ovechkinanyń aitýynsha, atalǵan ereje boiynsha terroristik qaqtyǵystar aýmaqtarynda bolǵan balalarǵa bilim berý, quqyqtyq, áleýmettik qyzmetter kórsetý memleket esebine júrgiziletini naqty kórsetilgen.
«Búginde qaitarylǵan balanyń árbiri jeke baqylaýǵa alynǵan. Ár balaǵa áleýmettik ońaltý jeke jospary jasalǵan. Ár balamen tájiribeli pedagogtarmen psihologtar umys istep jatyr. Tek balalarmen ǵana emes, olardyń otbasymen jumys isteidi. Osyndai alalary bar ár otbasynyń jaǵdaiyn, problemasyn jaqsy bilemýiz deýge bolady», - dedi komitet tóraǵasynyń orynbasary.
Sonymen qatar, Iýliia Ovechkina «Jýsan» arqyly elge jetken balalar qazirdiń ózinde belgili bir jetistikterge jete bastaǵanyn aitty
«Jýsan» arqyly kelgen balalardyń bári mektep pen balabaqshaǵa baryp júr. Ońaltýǵa alynǵan balalardyń 40 paiyzy úzdik jáne ozat oqýshylar qataryna qosylǵanyn bilip, qýanyp jatyrmyz. Arasynda olimpiada júldegerleri, túrli shyǵarmashylyq baiqaýlardyń, sporttyq konkýrstardyń jeńimpazdary bar ekenin maqtanshypen aityp júrmiz», - dedi vedomstvo ókili.
