Dini radikalizmmen kúresti kúsheitý úshin elde taraityn dini kontentti muqiiat baqylap, sondai kontent taratý kózderine jazylǵan qazaqstandyq internet paidalanýshylarmen jiti jumys júrgizilmek, dep habarlaidy QazAqparat.
Internet arqyly halyqtyń radikaldanýyna jol bermeý úshin elimizde radikaldy dini kontentti anyqtap, internet keńistiktiń monitoringin kúsheitý jáne áleýmettik jelilerdegi radikaldy toptar men qoǵamdastyqtarǵa jazylǵan qazaqstandyqtarmen jeke-jeke jumys júrgizilmek.
Bul týraly Aqparat jáne qoǵamdyq damý ministri Asqar Ýmarov búgingi Úkimet otyrysynda aitty.
«Ministrlik jergilikti atqarýshy organdarmen birlesip jalpy profilaktikalyq sipattaǵy, sondai-aq, radikaldy ideologiiaǵa tartylý táýekeli bar halyqtyń nysanaly toptary arasynda aqparattyq túsindirý jumystasryn uiymdastyrady.Áleýmettik jelilerge nazar aýdara otyryp, radikaldy dini ideologiianyń aldyn alý jáne qarsy nasihattaý boiynsha aqparat alańynda belsendi jumys júrgizip otyr.Destrýktivti jáne radikaldy dini kózqarasty ustanýshylardy dástúrli islam arnasyna qaitarý maqsatymen ministrlik arnaiy quqyq qorǵaý jáne jergilikti atqarýshy organdarmen birlesip ońaltý jumystaryn júrgizýde. Ásirese jastar, jumyssyzdar jáne óz-ózin jumyspen qamtyǵan azamattar, dindarlar destrýktivti dini aǵymdardyń jaqtaýshylary siiaqty azamattardyń neǵurlym osal toptarymen dittegen aqparattyq túsindirý jumystaryn kúsheitý kózdelip otyr», - dedi ministr.
Sondai-aq, ministrlik «Jýsan» operatsiiasynyń aiasynda terrorizm oshaqtarynan elge qaitarylǵan otandastarymyzdy ońaltý jumysyn odan ári jalǵastyrýǵa nietti.
