Foto: "Obojaiý" Telegram-arnasynan
Áleýmettik jelide Shyǵys Qazaqstan oblysy Ulan aýdanyna qarasty Qasym Qaisenov aýlynda ornatylǵan shyrshanyń sýreti qyzý talqylanyp jatyr. Paidalanýshylar ony "jyl masqarasy" dep atady, - dep habarlaidy Massaget.kz portaly.
Butaqtary túsip qalǵan, eskirgen girliandalar ilingen tiri shyrsha Jelide jergilikti jurtshylyqtyń arasynda daý týdyrdy. Jeli qoldanýshylary mundai "sulýlyqqa" qansha aqsha jumsaǵanyna jaýap berýdi talap etti.
"Shyrsha biýdjet esebinen emes, tegin ornatyldy. Jańasyn, jasandysyn qoiamyz. Birden aita keteiin, buǵan biýdjetten aqsha qarastyrylmaǵan. "Ulan" qory bar. Osy qordyń qarajatyna otyrǵyzatyn shyǵarmyz. Ázirge belgisiz. Búgin shyrshany alyp tastadyq, erteń jańasyn qoiamyz", - dedi Ulan aýdany ákimdiginiń baspasóz qyzmetindegiler.
Shyrshany bir kún buryn osy aýyldyń turǵyny aýlasynan qazyp alyp tastaýdy suraǵan, sebebi aǵash kún sáýlesin jaýyp tastaǵan, sondyqtan áiel ony kesýdi surapty.
Ákimdik qyzmetkerleri shyrshany kespei, ony Jańa jylǵa sándeý úshin qazyp, qaita otyrǵyzýdy uiǵardy. Biraq aýyl turǵyndary shyrshany unatpady.
ShQO aqparat ortalyǵy bul shyrshany bir ǵana maqsatpen - aǵash ólip qalmaýy úshin ornatylǵanyn aityp, bul derekke qatysty pikir bildirdi. Sonymen qatar, aqparat ortalyǵy Shyǵys Qazaqstan oblysynyń barlyq eldi mekeninde Jańa jylǵa daiyndyq jumystary júrgizilip jatqanyn atap ótti.
