فوتو: "وبوجايۋ" Telegram-ارناسىنان
ەلەۋمەتتٸك جەلٸدە شىعىس قازاقستان وبلىسى ۇلان اۋدانىنا قاراستى قاسىم قايسەنوۆ اۋلىندا ورناتىلعان شىرشانىڭ سۋرەتٸ قىزۋ تالقىلانىپ جاتىر. پايدالانۋشىلار ونى "جىل ماسقاراسى" دەپ اتادى, - دەپ حابارلايدى Massaget.kz پورتالى.
بۇتاقتارى تٷسٸپ قالعان, ەسكٸرگەن گيرلياندالار ٸلٸنگەن تٸرٸ شىرشا جەلٸدە جەرگٸلٸكتٸ جۇرتشىلىقتىڭ اراسىندا داۋ تۋدىردى. جەلٸ قولدانۋشىلارى مۇنداي "سۇلۋلىققا" قانشا اقشا جۇمساعانىنا جاۋاپ بەرۋدٸ تالاپ ەتتٸ.
"شىرشا بيۋدجەت ەسەبٸنەن ەمەس, تەگٸن ورناتىلدى. جاڭاسىن, جاساندىسىن قويامىز. بٸردەن ايتا كەتەيٸن, بۇعان بيۋدجەتتەن اقشا قاراستىرىلماعان. "ۇلان" قورى بار. وسى قوردىڭ قاراجاتىنا وتىرعىزاتىن شىعارمىز. ەزٸرگە بەلگٸسٸز. بٷگٸن شىرشانى الىپ تاستادىق, ەرتەڭ جاڭاسىن قويامىز", - دەدٸ ۇلان اۋدانى ەكٸمدٸگٸنٸڭ باسپاسٶز قىزمەتٸندەگٸلەر.
شىرشانى بٸر كٷن بۇرىن وسى اۋىلدىڭ تۇرعىنى اۋلاسىنان قازىپ الىپ تاستاۋدى سۇراعان, سەبەبٸ اعاش كٷن سەۋلەسٸن جاۋىپ تاستاعان, سوندىقتان ەيەل ونى كەسۋدٸ سۇراپتى.
ەكٸمدٸك قىزمەتكەرلەرٸ شىرشانى كەسپەي, ونى جاڭا جىلعا سەندەۋ ٷشٸن قازىپ, قايتا وتىرعىزۋدى ۇيعاردى. بٸراق اۋىل تۇرعىندارى شىرشانى ۇناتپادى.
شقو اقپارات ورتالىعى بۇل شىرشانى بٸر عانا ماقساتپەن - اعاش ٶلٸپ قالماۋى ٷشٸن ورناتىلعانىن ايتىپ, بۇل دەرەككە قاتىستى پٸكٸر بٸلدٸردٸ. سونىمەن قاتار, اقپارات ورتالىعى شىعىس قازاقستان وبلىسىنىڭ بارلىق ەلدٸ مەكەنٸندە جاڭا جىلعا دايىندىق جۇمىستارى جٷرگٸزٸلٸپ جاتقانىن اتاپ ٶتتٸ.
