video kadry
Qyzylordalyq er adam Shymkent turǵyny syiǵa tartqysy kelgen kólikten jáne bloger Asylhan Dúkenbaevtyń syilyǵy - baspanadan bas tartty. Ol óz sheshimin belsendiniń Instagram-paraqshasynda videoúndeý arqyly málimdedi, - dep habarlaidy Tengrinews.kz tilshisi.
Er adam sýyqqa qaramastan balalaryn velosipedke mingizip tasyǵan, qamqor áke retinde Jelide tanyldy.
"Shymkent qalasynyń turǵyny maǵan kólik syilaǵysy keletinin túnde bildim. Men óte rizamyn, Alla razy bolsyn. Biraq kólik ózinde qalsyn. Ony aldym dep esepteimin", - dedi er adam.
Sondai-aq, ol baspana satyp alýǵa aqsha jinaýdy toqtatýdy suraǵanyn aitty.
"Qurmetti turǵyndar, kópshiligińiz baspana máselesin kóterdińizder, bizge baspana alýǵa kómektesýge niet bildirdińizder. Bul úshin rahmet. Biraq biz otbasymyzben (anasy, áieli, týystar) bul usynystan bas tartýdy uiǵardyq. Qudaiǵa shúkir, turatyn jerimiz bar, jazdyq úide turamyz, baspanaǵa aqsha tólemeimiz. Sondyqtan, eń aldymen, anamnyń tilegin tyńdai otyryp, baspanaǵa aqsha jinaýdy toqtatýdy jón kórdim. Basynda aitqanymdai, jinalǵan aqsha jetetin kez kelgen kólikke rizamyn. Bizdiń sheshimimizge túsinikpen qaraýyńyzdy suraimyn", - dedi Otarov.
Bloger Asylhan Dúkenbaev Instagram jelisinde qaiyrymdylyq aktsiiasy 11 aqpanda saǵat 13:00-de aiaqtalatynyn aitty.
"8 million teńge jinaldy. Ortalyq meshittiń aldynda, juma namazynan keiin tapsyrylady", - dedi ol.
Aita keteiik, buǵan deiin qyzylordalyq bloger, belsendi Asylhan Dúkenbaev aiazda balalaryn velosipedpen tasyp júrgen ákege kólik áperýge aqsha jinap jatqany habarlanǵan bolatyn.
