Senat tóraǵasynyń orynbasary Asqar Shákirov pen senator Nurtóre Júsip Premer-Ministr Asqar Maminniń atyna depýtattyq saýal joldady. Onda Jýrnalistik ádep kodeksin jetildirý máselesi kóterildi, dep habarlaidy "Ult aqparat".
Saýal joldaǵan depýtattardyń sózine súiensek, zań aiasynda jaýapkershilik qarastyrylsa da, óńirlik BAQ-ta zorlyq-zombylyqqa ushyraǵan nemese keleńsiz áreket jasaǵan balalardyń sýretteri men olar týraly derekterdi jariialaý máselesi kezdesip jatady. Al jeke ómirge qol suǵýshylyqtyń saldary aýyr bolýy múmkin.
«Kásibi etikany buzýǵa jol bermeý úshin jýrnalisterdiń Etikalyq kodeksin jetildirý qajet. Oǵan jurtshylyq ókilderin, múddeli ýákiletti organdardy, sondai-aq, Parlament depýtattaryn jumyldyrǵan oryndy bolar edi», – dep atap ótti Nurtóre Júsip.
Aita keteiik, atalmysh depýtattyq saýalda, sondai-aq adam quqyqtary negizin bastaýysh synyptan bastap oqytý kerektigi aityldy.
«Jyl saiyn balalarǵa qatysty qylmys sany kóbeiip otyr. Bas prokýratýranyń málimetine súiensek, biyl elimizde mundai jaǵdai 8 paiyzǵa ósken. Oǵan kámeletke tolmaǵandarǵa qatysty seksýaldyq sipattaǵy faktilerdi jasyrǵany úshin qylmystyq jaýapkershiliktiń engizilýi de sebep boldy. Jalpy, 70 paiyzdan astam jaǵdaida kámeletke tolmaǵandarǵa qatysty qylmystardy jaqyn, týys adamdar jasaityny alańdatady», – delingen senatorlardyń depýtattyq saýalynda.
