سەنات تٶراعاسىنىڭ ورىنباسارى اسقار شەكٸروۆ پەن سەناتور نۇرتٶرە جٷسٸپ پرەمەر-مينيستر اسقار ماميننٸڭ اتىنا دەپۋتاتتىق ساۋال جولدادى. وندا جۋرناليستٸك ەدەپ كودەكسٸن جەتٸلدٸرۋ مەسەلەسٸ كٶتەرٸلدٸ, دەپ حابارلايدى "ۇلت اقپارات".
ساۋال جولداعان دەپۋتاتتاردىڭ سٶزٸنە سٷيەنسەك, زاڭ اياسىندا جاۋاپكەرشٸلٸك قاراستىرىلسا دا, ٶڭٸرلٸك باق-تا زورلىق-زومبىلىققا ۇشىراعان نەمەسە كەلەڭسٸز ەرەكەت جاساعان بالالاردىڭ سۋرەتتەرٸ مەن ولار تۋرالى دەرەكتەردٸ جارييالاۋ مەسەلەسٸ كەزدەسٸپ جاتادى. ال جەكە ٶمٸرگە قول سۇعۋشىلىقتىڭ سالدارى اۋىر بولۋى مٷمكٸن.
«كەسٸبي ەتيكانى بۇزۋعا جول بەرمەۋ ٷشٸن جۋرناليستەردٸڭ ەتيكالىق كودەكسٸن جەتٸلدٸرۋ قاجەت. وعان جۇرتشىلىق ٶكٸلدەرٸن, مٷددەلٸ ۋەكٸلەتتٸ ورگانداردى, سونداي-اق, پارلامەنت دەپۋتاتتارىن جۇمىلدىرعان ورىندى بولار ەدٸ», – دەپ اتاپ ٶتتٸ نۇرتٶرە جٷسٸپ.
ايتا كەتەيٸك, اتالمىش دەپۋتاتتىق ساۋالدا, سونداي-اق ادام قۇقىقتارى نەگٸزٸن باستاۋىش سىنىپتان باستاپ وقىتۋ كەرەكتٸگٸ ايتىلدى.
«جىل سايىن بالالارعا قاتىستى قىلمىس سانى كٶبەيٸپ وتىر. باس پروكۋراتۋرانىڭ مەلٸمەتٸنە سٷيەنسەك, بيىل ەلٸمٸزدە مۇنداي جاعداي 8 پايىزعا ٶسكەن. وعان كەمەلەتكە تولماعاندارعا قاتىستى سەكسۋالدىق سيپاتتاعى فاكتٸلەردٸ جاسىرعانى ٷشٸن قىلمىستىق جاۋاپكەرشٸلٸكتٸڭ ەنگٸزٸلۋٸ دە سەبەپ بولدى. جالپى, 70 پايىزدان استام جاعدايدا كەمەلەتكە تولماعاندارعا قاتىستى قىلمىستاردى جاقىن, تۋىس ادامدار جاسايتىنى الاڭداتادى», – دەلٸنگەن سەناتورلاردىڭ دەپۋتاتتىق ساۋالىندا.
