2020 jylǵy 28 qazanda áleýmettik jelilerde onlain-transliatsiiasy bar «Jańa reporter» alańynda Aqparat jáne qoǵamdyq damý vitse-ministri Kemelbek Oishybaev Jýrnalisterdi akkreditteý erejeleriniń jańa jobasyn tanystyrdy, dep habarlaidy QR aqparat jáne qoǵamdyq damý ministrliginiń baspasóz qyzmeti.
Ereje jobasyn talqylaýǵa «Interniýs» zańgeri Olga Didenko, «Informbiýro» bas redaktory Mihail Dorofeev qatysty. Talqylaýdy belgili jýrnalist jáne media sarapshy Erjan Súleimenov júrgizdi.
Vitse-ministr Q.Oishybaev jýrnalisterdiń akkreditteý protsedýrasynan ótý jáne jeńildetýge baǵyttalǵan jańa Erejede qarastyrylǵan birqatar jańalyqtar týraly habarlady.
Atap aitqanda, atalǵan novellalar turaqty jáne ýaqytsha akkreditteýdi engizýdi, jýrnalisti akkreditteý úshin usynylatyn qujattar tizbesin jáne olardy qaraý merzimin qysqartýdy, akkredittelgen jýrnalisterdiń tizilimin engizýdi, akkreditteýshi uiymnyń is-sharalardy aldyn ala habarlaý jónindegi mindetterin, jýrnalistiń kýáligin sipattaýdy, sondai-aq akkreditteýshi uiymnyń zańsyz is-áreketterine nemese áreketsizdigine shaǵymdaný múmkindigin kózdeidi.
Onlain-transliatsiia barysynda áleýmettik jelilerdi paidalanýshylardan jýrnalisterdi akkreditteýdiń jańa júiesiniń odan ári jumys isteýi boiynsha birqatar suraqtar men usynystar aityldy, olarǵa tolyq jaýaptar berildi.
Qatysýshylar osy Erejeniń ázirlenýine rizashylyqtaryn bildirdi. Olardyń pikirinshe, Ereje jýrnalisterdiń qyzmetine oń áser etetin tiisti rásimder men sharttardy engizedi.
Talqylaý sońynda vitse-ministr jańa júieniń jumys isteýi 2021 jyldyń qańtarynan bastalatynyn atap ótti.
