QR Mədeniet jəne sport ministrligi «Əziret Sultan» memlekettik tarihi-mədeni qoryq-mýzeiiniń bastamasymen Túrkistan qalasyndaǵy tarihi-mádeni jáne rýhani oryndarǵa arnaiy press-týr uiymdastyrdy, dep habarlaidy QazAqparat tilshisi.
Tanymdyq sharaǵa «Əziret Sultan» qoryq-mýzeiiniń direktory Nurbolat Ahmetjanov, «Arheologiia jáne tarihi eskertkishterdi qorǵaý» bóliminiń meńgerýshisi Marat Tuiaqbaev, mýzeidiń bas redaktory Ábdikerim Manapov, mýzei qyzmetkerleri jáne oblystyq, respýblikalyq buqaralyq aqparat quraldary qatysty.
Elbasy N. Nazarbaevtyń «Bolashaqqa baǵdar: Rýhani jańǵyrý» maqalasy jáne «Qazaqstannyń kieli jerler geografiiasy» jobasyn júzege asyrý aiasynda rýhani mekende ótken basqosýdyń maqsaty- keseneler tarihymen tanystyrý jáne nasihattaý, sondai-aq mol tarih pen qundy derekterge bai mekenniń qadir-qasietin barynsha ashyp kórsetý boldy. Press týrdy uiymdastyrýshylar elimizben qatar sheteldik týristerdiń osy kieli jerlerge qyzyǵýshylyǵyn arttyryp, qurylys jəne abattandyrý jumystarymen tanystyrýdy kózdedi. Atalǵan shara aiasynda qatysýshylar «Əziret Sultan» memlekettik tarihi-mədeni qoryq mýzeiine qarasty Əlqoja ata, Gaýhar ana keseneleri men ortaǵasyrlyq Saýran qalasyna arnaiy bardy. Tarihy jəne qorǵaý, qalpyna keltirý jumystarymen tanysyp, Úkasha ata kesenesi jəne qudyǵy, Qoja Ahmet Iasaýi kesenesi jaiynda da mol málimetter aldy.
Tarihshy-ǵalymdar men mýzei qyzmetkerleri Túrkistan óńiriniń biregei tarihi-mádeni mura nysandarynyń birqatarymen tanystyryp, eskertkishterdiń ózine tán erekshelikterin de baiandady. Sonymen qatar, ataýly eskertkishterge keshendi túrde zertteý jumystarynyń júrgizilý qajettigi men týristik nysanǵa ainaldyrýdyń mańyzdylyǵy da sóz bolyp, birqatar usynystar aityldy.
«Tarihi qundylyqtarymyzdy baiytýdaǵy basty maqsatymyz - tarihi kieli jerlerimizdi saqtap qalý, ony urpaqtan-urpaqqa jetkizý, týrizmdi damytý arqyly barlyq elderge pash etý bolyp tabylady», - dedi qoryq-mýzeiiniń direktory Nurbolat Ahmetjanov.
