قر مəدەنيەت جəنە سپورت مينيسترلٸگٸ «Əزٸرەت سۇلتان» مەملەكەتتٸك تاريحي-مəدەني قورىق-مۋزەيٸنٸڭ باستاماسىمەن تٷركٸستان قالاسىنداعى تاريحي-مەدەني جەنە رۋحاني ورىندارعا ارنايى پرەسس-تۋر ۇيىمداستىردى, دەپ حابارلايدى قازاقپارات تٸلشٸسٸ.
تانىمدىق شاراعا «Əزٸرەت سۇلتان» قورىق-مۋزەيٸنٸڭ ديرەكتورى نۇربولات احمەتجانوۆ, «ارحەولوگييا جەنە تاريحي ەسكەرتكٸشتەردٸ قورعاۋ» بٶلٸمٸنٸڭ مەڭگەرۋشٸسٸ مارات تۇياقباەۆ, مۋزەيدٸڭ باس رەداكتورى ەبدٸكەرٸم ماناپوۆ, مۋزەي قىزمەتكەرلەرٸ جەنە وبلىستىق, رەسپۋبليكالىق بۇقارالىق اقپارات قۇرالدارى قاتىستى.
ەلباسى ن. نازارباەۆتىڭ «بولاشاققا باعدار: رۋحاني جاڭعىرۋ» ماقالاسى جەنە «قازاقستاننىڭ كيەلٸ جەرلەر گەوگرافيياسى» جوباسىن جٷزەگە اسىرۋ اياسىندا رۋحاني مەكەندە ٶتكەن باسقوسۋدىڭ ماقساتى- كەسەنەلەر تاريحىمەن تانىستىرۋ جەنە ناسيحاتتاۋ, سونداي-اق مول تاريح پەن قۇندى دەرەكتەرگە باي مەكەننٸڭ قادٸر-قاسيەتٸن بارىنشا اشىپ كٶرسەتۋ بولدى. پرەسس تۋردى ۇيىمداستىرۋشىلار ەلٸمٸزبەن قاتار شەتەلدٸك تۋريستەردٸڭ وسى كيەلٸ جەرلەرگە قىزىعۋشىلىعىن ارتتىرىپ, قۇرىلىس جəنە اباتتاندىرۋ جۇمىستارىمەن تانىستىرۋدى كٶزدەدٸ. اتالعان شارا اياسىندا قاتىسۋشىلار «Əزٸرەت سۇلتان» مەملەكەتتٸك تاريحي-مəدەني قورىق مۋزەيٸنە قاراستى Əلقوجا اتا, گاۋھار انا كەسەنەلەرٸ مەن ورتاعاسىرلىق ساۋران قالاسىنا ارنايى باردى. تاريحى جəنە قورعاۋ, قالپىنا كەلتٸرۋ جۇمىستارىمەن تانىسىپ, ٷكاشا اتا كەسەنەسٸ جəنە قۇدىعى, قوجا احمەت ياساۋي كەسەنەسٸ جايىندا دا مول مەلٸمەتتەر الدى.
تاريحشى-عالىمدار مەن مۋزەي قىزمەتكەرلەرٸ تٷركٸستان ٶڭٸرٸنٸڭ بٸرەگەي تاريحي-مەدەني مۇرا نىساندارىنىڭ بٸرقاتارىمەن تانىستىرىپ, ەسكەرتكٸشتەردٸڭ ٶزٸنە تەن ەرەكشەلٸكتەرٸن دە باياندادى. سونىمەن قاتار, اتاۋلى ەسكەرتكٸشتەرگە كەشەندٸ تٷردە زەرتتەۋ جۇمىستارىنىڭ جٷرگٸزٸلۋ قاجەتتٸگٸ مەن تۋريستٸك نىسانعا اينالدىرۋدىڭ ماڭىزدىلىعى دا سٶز بولىپ, بٸرقاتار ۇسىنىستار ايتىلدى.
«تاريحي قۇندىلىقتارىمىزدى بايىتۋداعى باستى ماقساتىمىز - تاريحي كيەلٸ جەرلەرٸمٸزدٸ ساقتاپ قالۋ, ونى ۇرپاقتان-ۇرپاققا جەتكٸزۋ, تۋريزمدٸ دامىتۋ ارقىلى بارلىق ەلدەرگە پاش ەتۋ بولىپ تابىلادى», - دەدٸ قورىق-مۋزەيٸنٸڭ ديرەكتورى نۇربولات احمەتجانوۆ.
