sýret ashyq derekkózden alyndy
Qazaqstanda jýrnalister men blogerlerge jasalǵan shabýyl jasaǵany úshin 18 adam ustaldy, - dep habarlaidy "Ult aqparat" Polisia.kz Telegram-arnasyna silteme jasap.
Ishki ister ministrligi málimetinshe, 2022 jylǵy qyrkúiekten bastap 2023 jylǵy 20 aqpanǵa deiin Almaty jáne Astanada 6 jýrnalist pen blogerge, sonymen birge 1 adamnyń qyzmetine bailanysty zańsyz áreketter jasalǵan.
"Jábirlenýshilerge qatysty jyljymaityn múlikke qasaqana zaqym keltirý, avtokólikterdi órteý, olarǵa ártúrli zat jiberip qorqytý derekteri, jábirlenýshilerdiń mekenjailary boiynsha terrorizm aktisi týraly kórineý jalǵan habarlamalar jáne Internet jelisinde derbes derekterin taratý áreketteri jasaldy.
Osy qylmystardy ashý úshin vedomstvoaralyq jedel-tergeý toby quryldy. QR Qylmystyq kodeksiniń 115 "Qaýipi", 147 "Jeke ómirine qatysty málimetterdi taratý", 158 "Jýrnalistik qyzmetke kedergi jasaý", 202 "Bótenniń múlkin qasaqana joiý", 293 "Buzaqylyq" baptary boiynsha 20 qylmystyq is qozǵaldy. Buǵan qatysy bar 18 adam ustaldy", - delingen habarlamada.
Dáleldemelik bazany nyǵaitý boiynsha qajetti jedel tergeý is-áreketteri júrgizilip jatyr.
Eske salaiyq, Qazaqstanda birneshe táýelsiz jýrnaliske shabýyl jasaldy. Keiingisi 2023 jylǵy 19 aqpanda boldy. "Giperborei" Youtube-arnasynyń avtory, jýrnalist Vadim Boreiko operatorynyń eki kóligi jarylǵanyn habarlady. Onyń aldynda jýrnalistiń óz úiiniń esigin áldekimder jelimdep ketken edi.
