«Ádil sóz» sóz bostandyǵyn qorǵaý halyqaralyq qorynyń bastamasymen jýrnalist Jániia Uranqaevanyń Qazaqstan Respýblikasy Úkimeti úiine kirýine qatysty másele oń sheshimin tapty.
Qordyń Úkimet apparatyna joldaǵan ótinishi negizinde, Úkimettiń baspasóz qyzmeti jýrnalisttiń ǵimaratqa kirý shekteýin 2024 jylǵy 31 jeltoqsanǵa deiin qaita qaraýǵa kelisti. Osylaisha, Jániia Uranqaeva barlyq talaptardy saqtai otyryp, kásibi mindetterin tolyq kólemde oryndaýǵa qaita oralady.
Bul kelisim 2024 jyldyń tamyz aiynda kúshine engen «Mass-media týraly» Zańnyń talaptary aiasynda júzege asqan. Zań boiynsha jýrnalister mańyzdy memlekettik nysandarǵa barý kezinde belgilengen ótkizý tártibin saqtaýǵa mindetti.
«Ádil sóz» qory Úkimet apparatyna jáne baspasóz qyzmetine ashyqtyq pen ádildik qaǵidattaryn ustanǵany úshin alǵys bildirdi. Bul kelisim memlekettik organdar men jýrnalister arasyndaǵy tiimdi dialogtyń úlgisi retinde baǵalandy.
