13 kún boiy jansaqtaý bóliminde jatqan qazaqstandyq jýrnalist Aidos Sadyqov ómirden ótti.
Bul týraly onyń áieli Natalia Sadyqova Facebook-te jazdy. Kievte qastandyq jasalǵannan keiin Sadyqov 13 kún jansaqtaý bóliminde jatqan. Alaida búgin Kiev ýaqytymen saǵat 3:00-de ómirden ótken.
Natalia Sadyqova kúieýi ómirin Qazaqstan úshin jan pida etkenin jazyp, al ólimi prezidenttiń moinynda ekenin jazǵan.
Aidos Sadyqovqa 18 maýsymda qastandyq jasalǵan. Belgisiz bireý oǵan oq atyp, qashyp ketken. Bul kezde "Báse" oppozitsiialyq jobasynyń avtorymen birge áieli bolǵan. Keiin jýrnalist aýrýhanaǵa túsip, ota jasalǵany habarlanǵan.
19 maýsymda Toqaev Sadyqovqa qastandyq jasalǵany týraly pikir bildirip, tergeýge qazaqstandyq quqyq qorǵaý organdary qatysýǵa daiyn ekenin málimdegen.
