Azat Perýashevtyń shekarada júk kólikterin elektrondy kezekke qoiatyn jobaǵa kóńili tolmady. Endi barlyq olqylyqtardy partiia tóraǵasy Úkimet deńgeiinde kótermek. Sebebi, jyl basynan beri shekarada kezegin kútken júk kólikterdiń sany azaiar emes, dep habarlaidy "Ult aqparat".
Búgin Almaty oblysyndaǵy jumys sapary barysynda «Aq jol» demokratiialyq partiiasynyń tóraǵasy Azat Perýashev Qazaq-Qytai shekarasyna bardy.
Ol jerde «Nur joly» keden beketinde kezekte turǵan júrgizýshilerdiń shaǵymyn tyńdady. Birneshe aidan beri sarǵaia kezekterin kútken júrgizýshiler elektrondy kezektiń de jumysy kóńilderinen shyqpaǵanyn aitady. Iaǵni, júrgizýshi kezeginiń jyljyǵanyn kórip otyrady. Biraq onyń aldynda jáne odan keiin qandai júk kólikterdiń turǵanyn kóre almaidy. Dál osy jait azamattardyń kezek durys saqtalmaidy dep kúdigin týdyrǵan. Qazirdiń ózinde 500-ge jýyq kólik kezekte tur.
Shaǵymdardy tyńdaǵan Azat Perýashev máseleni Úkimet deńgeiinde kóteretinin jetkizdi.
Aita keteiik, osydan bir ai buryn Almaty oblysyndaǵy «Nur joly» keden beketinde júk kólikteri tolyqtai elektrondy kezekke qoiylatynyn habarlaǵan bolatynbyz. Panfilov aýdanynyń ákimdigi málimetinshe, bul kezekpen «Euro Transit« JShS ainalysýda.
E limizde pandemiia bastalǵan sátten bastap «Nur joly» keden beketinde júk kólikterdiń uzyn-sonar kezegi qalyptasqan bolatyn. Tipti kezekte turǵan kólikterdiń uzyndyǵy 60 shaqyrymnan asty. Máseleniń kúrdelenýine Qytai tarapynyń kólikterdi qabyldaýdy kúrt azaitqany sebep bolǵan.
