Bir jylda bes retten artyq ereje buzǵan qazaqstandyq júrgizýshiler jol qozǵalysy erejelerin buzǵany úshin 50 paiyz jeńildikpen ákimshilik aiyppul tóleý múmkindiginen aiyrylýy múmkin. Bul týraly Ákimshilik politsiia komiteti tóraǵasynyń orynbasary Jandos Murataliev túsindirip berdi, - dep habarlaidy Tengrinews.kz.
"Qazir Ishki ister ministrligi jol qozǵalysy erejesin buzǵany úshin bir jyl ishinde besten asa ákimshilik quqyqbuzýshylyq jasaǵan tulǵalarǵa 50 paiyzdyq jeńildikpen aiyppul tóleý múmkindigin alyp tastaýǵa (...) túzetýler ázirlep jatyr", - dedi Murataliev IIM brifinginde.
Bazada tirkelgen 3 million quqyqbuzýshylyq arasynda júrgizýshilerdiń bes paiyzy JQE-ny besten asa ret buzǵany anyqtalǵan.
"50 872 quqyqbuzýshy jol qozǵalysy erejesin bes-on, 14 myń adam on-elý, 197 adam elýden júzge deiin, 50 adam 100-den asa jol erejesin buzǵan. Jol qozǵalysy erejelerin buzý sanyn azaitý úshin osyndai usyns engizgimiz keledi. Muny júrgizýshini jazalaý úshin jasamaimyz", - dep túsindirdi Murataliev.
