«Elektrondyq úkimet» portalynda júrgizýshi kýálikterin berý boiynsha kórsetiletin qyzmet jetildirildi, - dep habarlaidy «Ulttyq aqparattyq tehnologiialar» AQ baspasóz qyzmeti.
«Merzimi ótip ketken, tegin, atyn, ákesiniń atyn aýystyrý kerek bolmasa joǵaltyp, urlatyp alýyna bailanysty júrgizýshi kýáligin qaita alýǵa ótinishti úiden shyqpai-aq berýge bolady. «Elektrondyq úkimet» portalynda júrgizýshi kýáligin berý boiynsha kórsetiletin qyzmet jetildirildi. Endi ony merzimi ótken, tegin, atyn jáne ákesiniń atyn aýystyrǵan, qujatty joǵaltqan nemese urlatyp alǵan kezde paidalanýǵa bolady. Kórsetiletin qyzmetti jeke tulǵalar paidalana alady», delingen habarlamada. Nátijesinde ótnishin berýshige júrgizýshi kýáligi daiyndalyp jatqany jóninde habarlama keledi
«Biz turaqty jáne táýlik boiy monitoring júrgizip, keri bailanys jasaimyz. Azamattardan kelip túsetin barlyq usynys jeke jaǵdai (keis) retinde qaralady jáne pysyqtalady. Bul onlain rejimde Memlekettik kórsetiletin qyzmetterdi alý protsesin jaqsartýǵa jáne jeńildetýge yqpal etedi», - dep túsindirdi «UAT» AQ Basqarma tóraǵasy Áset Turysov.
Kórsetiletin qyzmetti alý úshin eGov.kz portalyna kirý kerek, «Kólik jáne kommýnikatsiia» qosymsha betin tańdaý. «Avtomobil kóligi» bóliminde «Júrgizýshi kýálikterin berý» kórsetiletin qyzmetin tańdaý qajet. Budan ári portalda avtorlaný jáne «Kórsetiletin qyzmetke onlain tapsyrys berý» batyrmasy boiynsha ótý kerek. Barlyq mindetti joldar toltyrylyp, fotosýret jáne qol qoiý úlgisin júkteledi. 1,25 AEK mólsherinde tólem jasalyp, ETsQ kómegimen qyzmetke qol qoiý qajet.
«Tegin, atyn jáne ákesiniń atyn ózgertý» jolyn tańdaǵan kezde tegin, atyn, ákesiniń atyn aýystyrý týraly kýálikti júkteý qajet. Is-áreket etý merzimi ótkennen keiin 083-Ý meditsinalyq anyqtamany, joǵalǵan nemese urlanǵan jaǵdaida QR IIM talabyna sáikes toltyrylǵan aýdandyq politsiia basqarmasynyń anyqtamasyn tirkeý qajet.
Aita kterligi, kórsetiletin qyzmet QR IIM ákimshilik politsiia komitetimen birge jetildirilgen.
Eske sala ketsek, qazaqstandyq júrgizýshiler aldaǵy ýaqytta tek jeke kýálikpen kólik júrgize beretin bolady.
