Qazaqstanda júrgizýshi kýáligin alý úshin narkologiialyq jáne psihodispanser anyqtamasy talap etilmeitin bolady. Bul týraly QR IIM Ákimshilik politsiia komiteti tóraǵasynyń orynbasary Serik Túsipov aitty, dep habarlaidy "Ult aqparat".
«Shynymen de, mundai máseleni Ishki ister ministrligi Densaýlyq saqtaý ministrligimen birlesip talqylap jatyr. Qazirgi ýaqytta aqparattyq júielerdi integratsiialaýǵa qatysty jumystardyń bir bóligi júrgizildi. Biz jyl saiyn shamamen 900 myń júrgizýshi kýáligin beremiz. Olardyń qatarynda júrgizýshi kýáligin alǵash alatyndar, merzimi ótýine bailanysty aýystyratyndar nemese jańa sanat alatyndar bar», - dedi ol.
Onyń atap ótýinshe, Densaýlyq saqtaý ministrligi men «Ulttyq aqparattyq tehnologiialar» AQ tarapynan tiisti jumys júrgizilgennen keiin júrgizýshi kýáligin merzimi ótýine bailanysty aýystyratyn nemese jańa sanat alatyn azamattardan qaǵaz túrindegi narkologiialyq jáne psihodispanser anyqtamasy talap etilmeidi.
«Óitkeni, bul málimetterdiń barlyǵy aqparattyq júieden alynady», - dep túsindiredi Serik Túsipov.
Degenmen, komitet tóraǵasynyń orynbasary bul jańashyldyq aldymen testileýden ótetindigin aitady.
