قازاقستاندا جٷرگٸزۋشٸ كۋەلٸگٸن الۋ ٷشٸن ناركولوگييالىق جەنە پسيحوديسپانسەر انىقتاماسى تالاپ ەتٸلمەيتٸن بولادى. بۇل تۋرالى قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ ايتتى, دەپ حابارلايدى "ۇلت اقپارات".
«شىنىمەن دە, مۇنداي مەسەلەنٸ ٸشكٸ ٸستەر مينيسترلٸگٸ دەنساۋلىق ساقتاۋ مينيسترلٸگٸمەن بٸرلەسٸپ تالقىلاپ جاتىر. قازٸرگٸ ۋاقىتتا اقپاراتتىق جٷيەلەردٸ ينتەگراتسييالاۋعا قاتىستى جۇمىستاردىڭ بٸر بٶلٸگٸ جٷرگٸزٸلدٸ. بٸز جىل سايىن شامامەن 900 مىڭ جٷرگٸزۋشٸ كۋەلٸگٸن بەرەمٸز. ولاردىڭ قاتارىندا جٷرگٸزۋشٸ كۋەلٸگٸن العاش الاتىندار, مەرزٸمٸ ٶتۋٸنە بايلانىستى اۋىستىراتىندار نەمەسە جاڭا سانات الاتىندار بار», - دەدٸ ول.
ونىڭ اتاپ ٶتۋٸنشە, دەنساۋلىق ساقتاۋ مينيسترلٸگٸ مەن «ۇلتتىق اقپاراتتىق تەحنولوگييالار» اق تاراپىنان تيٸستٸ جۇمىس جٷرگٸزٸلگەننەن كەيٸن جٷرگٸزۋشٸ كۋەلٸگٸن مەرزٸمٸ ٶتۋٸنە بايلانىستى اۋىستىراتىن نەمەسە جاڭا سانات الاتىن ازاماتتاردان قاعاز تٷرٸندەگٸ ناركولوگييالىق جەنە پسيحوديسپانسەر انىقتاماسى تالاپ ەتٸلمەيدٸ.
«ٶيتكەنٸ, بۇل مەلٸمەتتەردٸڭ بارلىعى اقپاراتتىق جٷيەدەن الىنادى», - دەپ تٷسٸندٸرەدٸ سەرٸك تٷسٸپوۆ.
دەگەنمەن, كوميتەت تٶراعاسىنىڭ ورىنباسارى بۇل جاڭاشىلدىق الدىمەن تەستٸلەۋدەن ٶتەتٸندٸگٸن ايتادى.
