Almatyda júrgizýshi jaiaý júrginshini qaǵyp, qashyp ketken, - dep habarlaidy Tengrinews.kz agenttigi.
Qaiǵyly oqiǵa 7 qarasha tańerteń Momyshuly kóshesinde bolǵan. Tańǵy saǵat 7:30 shamasynda Alatau city turǵyn úi kesheni aldynda keptelis paida boldy. Keiin mundaǵy jaiaý júrginshiler ótkelinde adamdy qaǵyp ketkeni belgili boldy. Soqqynyń kúshti bolǵany sonsha, dene 20-30 metr artqa ushyp ketken.
Oqiǵa ornyna birneshe politsiia kóligi keldi. Máiittiń janynda jerde jatqan sómkege qaraǵanda, jábirlenýshi áiel eken.
Politseiler marqumnyń Almaty turǵyny ekenin rastady. Ol 45 jasta bolǵan. Tártip saqshylary jol-kólik oqiǵasyna kináli júrgizýshi oqiǵa ornynan boi tasalaǵanyn atap ótti.
"7 qarashada tańǵy saǵat 7:25-te belgisiz júrgizýshi belgisiz kólikpen Momyshuly kóshesi boiymen soltústik baǵytta, №5 úige qarama-qarsy kele jatyp, joldyń belgilengen bóliginde batys baǵytta ótip bara jatqan jaiaý júrginshini, 1977 jyly týǵan áieldi qaǵyp ketti, saldarynan jaiaý júrginshi oqiǵa ornynda qaza boldy.
Derek boiynsha Qylmystyq kodekstiń 345-baby 3-bóligi men 347-baby boiynsha sotaldy tergeý bastaldy. Saraptamalar taǵaiyndaldy, osy qylmysty jasaǵan júrgizýshini anyqtaý jáne ustaý sharalary júrgizilip jatyr", - dedi Almaty qalalyq PD tergeý basqarmasynyń bastyǵy, politsiia podpolkovnigi Oljas Sháripov.
