Almaty oblysyndaǵy tasjolda júrgizýshi jaiaý júrginshini qaǵyp óltirdi, - dep habarlaidy Tengrinews.kz tilshisi óńirdiń PD-ne silteme jasap.
Politsiia málimetinshe, jol apaty 1 naýryzda Jambyl aýdanynda bolǵan. Almaty-Bishkek tasjolynyń 44-shaqyrymynda Lexus GS-300 avtokóliginiń 21 jastaǵy júrgizýshisi jaiaý júrginshiler ótkelin kesip ótken áieldi qaǵyp óltirgen. Aýyr jaraqat alǵan jábirlenýshi aýrýhanaǵa jatqyzylǵannan keiin qaitys bolǵan.
"Qajet saraptamalar taǵaiyndalǵannan keiin QR QK 345-baby, 3-bóligi ("Kólik quraldaryn basqaratyn adamdardyń jol qozǵalysy nemese kólik quraldaryn paidalaný erejelerin abaisyzda adam ólimine ákep soqqan buzýshylyǵy") boiynsha sotqa deiingi tergeý júrgizilip jatyr. Kúdikti qamaýǵa alyndy. Kólik tárkilenip, avtoturaqqa qoiyldy", - delingen habarlamada.
