Júrektiń sozylmaly ishemiialyq aýrýy bar naýqasatar úshin COVID-19 qaýipti. Bul týraly Kardiologiia jáne ishki aýrýlar ǵylymi-zertteý institýtynyń konsýltatsiialyq-diagnostikalyq ortalyǵynyń meńgerýshisi, meditsina ǵylymdarynyń doktory, joǵary sanatty dáriger Qýat Abzaliev aitty, dep habarlaidy QazAqparat.
Onyń aitýynsha, sońǵy 2-3 jylda kovidtiń ózine qaraǵanda onyń áldeqaida kúrdeli aǵymy jáne kovidten keiingi sindrom týraly jetkilikti aqparat jinaqtaldy. Polineiropatiia (nerv júieleriniń zaqymdanýy) túrindegi, kovidten keiin asa jii bolatyn asqynýlarǵa búirek, baýyr, júrek jáne shetki qan tamyrlarynyń zaqymdaný simptomdary kiredi.
«Birqatar jariialanymdar kóptegen asqynýlar keshirek paida bolatynyn kórsetedi, júrek-qantamyr júiesiniń aýrýlary aýyrsyný, júrek yrǵaǵy men ótkizgishtiginiń buzylystary túrinde baiqalady. Birqatar zertteýshiler infektsiia kezinde patsientterdiń 7,3%-da spetsifikalyq emes júrek soǵystary, COVID-19 shaldyqqan patsientterdiń 16,7% -da aritmiia damityndyǵy baiqalǵanyn jazdy»,- deidi Kardiologiia jáne ishki aýrýlar ǴZI konsýltatsiialyq-diagnostikalyq ortalyǵynyń meńgerýshisi Qýat Abzaliev.
Sonymen qatar, ol jeńil túrindegi nemese simptomsyz kovid infektsiiasyna shaldyqqandarda asqynýlar keide belgili bir ýaqyttan keiin baiqalýy múmkin. Pandemiianyń alǵashqy tolqynynyń asqynǵan kezinde infektsiia tek tynys alý aǵzalarynyń júiesin zaqymdady, alaida mýtatsiia barysynda júrek-qantamyr júiesin qosa, basqa da aǵzalardyń zaqymdanǵany anyqtaldy. Sebebi gipoksiia men qabyný kórinisteri miokard pen koronarlyq tamyrlarǵa aýysty.
«Virýstyq infektsiia kóbine miokardty zaqymdaidy. Miokardtyń qabyný reaktsiialarynyń kórinisteri júrek bulshyqetiniń zaqymdaný men intoksikatsiianyń aýyrlyǵyna, sondai-aq aǵzanyń immýndyq júiesine bailanysty. Eger miokarditti emdemese, onda kardiomiopatiia, ómirge qaýipti aritmiia, qannyń uiý saldarynan trombtardyń paida bolýynan kenetten ólimge ákeletin qaýipti asqynýlarǵa ákelýi múmkin. Azdaǵan júktemeler kezinde júrek soǵysy men entigýdiń paida bolýy miokardtyń qabyný reaktsiiasynyń bar ekendigin bildiredi. Patsientter, ádette, koronavirýs infektsiiasy kezindegi álsizdik, ýyttaný dep esepteidi de, nazar aýdarmaidy. Olar dárigerge der kezinde qaralmai, tekserilmei, óz betinshe emdelýmen ainalysady. Jeńil simptomdar men kórinisterge kóńil bólmeý aýrýdyń ári qarai asqynýy men órshýine alyp keledi», - deidi dáriger.
Kardiolog kovid infektsiiasynan emdelip shyqqan naýqas elektrokardiografiia, júrektiń ýltradybystyq diagnostikasyn jasaý qajet ekenin basa aitty.
«Qabyný markerlerine analiz tapsyryp, júrek-qantamyr júieleriniń qalpyna kelýi úshin kardiologqa baryp qaralǵan jón. «Tsitokindik daýyl» dep atalatyn, iaǵni naqty júieli qabyný jaýaby naýqastardyń 40%-da diagnostikalanady jáne tek júrek qana emes, sondai-aq poliorgandyq jetkiliksizdikke alyp kelýi múmkin. Sondyqtan COVID-19 emdeý kezinde virýstyq infektsiianyń kardioýyttylyǵynyń qaýpine únemi baqylaý júrgizý qajet», - deidi Qýat Baiandyuly.
Kompiýterlik jáne magnitti-rezonansty tomografiia júrektiń ishemiialyq aýrýyn boldyrmas úshin ókpe aýrýlaryn da, sonymen qatar júrek-qantamyr júielerin de diagnostikalaýǵa kómektesedi. KT kardiomiopatiia, infektsiialyq endokardit, júrektiń jańa paida bolǵan qurylymdaryn diagnostikalaýda da kómektesedi.
«Qytai ǵalymdarynyń zertteýlerinde sozylmaly júrek jetkiliksizdigi COVID-19 emdelýge jatqyzylǵan patsientterdiń 23%-da baiqaldy. AQSh-da klinikalyq aiqyndalǵan júrek kemistigi COVID-19 shaldyqqan patsientterdiń 42%-da boldy. Sozylmaly júrek kemistigi bar patsientterdiń 72%-da emdelýge jatqyzylǵannan keiin 1,5 kúnnen soń ókpeniń jasandy jeldetkishine qajettilik paida boldy. Aiqyndalǵan júrek kemistiginiń damýy adamnyń immýndyq júiesiniń koronavirýs infektsiiasyna baqylanbaityn reaktsiiasynyń nátijesi («tsitokindik daýyl») bolyp tabylady, ony septikalyq shok dep te ataýǵa bolady», - dedi dáriger.
