Astanada «Kerýen» saýda ortalyǵynda «AMANAT» partiiasynyń «Jastar Rýhy» jastar qanaty uiymdastyrǵan «Bizdiń volonterler» fotokórmesi ótip jatyr.
Jastar qanatynyń tóraǵasy Nurjan Jetpisbaev «Jastar Rýhynyń» volonterleri árqashan aldyńǵy qatardan tabylatynyn atap ótti. Al osy fotokórmeniń basty maqsaty – turǵyndar arasynda volonterlerdiń qyzmetin nasihattaý.
«Tótenshe jaǵdai kezinde volonterler zardap shekken azamattarǵa kómektesý úshin táýlik boiy jumys istedi. Jaqynda Qostanai oblysynda júzdegen otbasy órtten zardap shekken kezde eriktilerimiz elimizdiń barlyq óńirinde gýmanitarlyq kómek jinady. Áýliekól aýdanynda 300-den astam volonter jumys istedi. Olar azyq-túlik pen birinshi kezekte qajetti zattardy taratýǵa, qalpyna keltirý jumystaryna, úiindilerdi suryptaýǵa, aýmaqty tazalaýǵa jumyldyryldy. Volonterlerimiz ardagerler men qariialarǵa júieli túrde kómektesedi. Az qamtylǵan otbasylardan shyqqan balalarǵa, erekshe qajettiligi bar baldyrǵandarǵa arnalǵan merekelik is-sharalar uiymdastyrady. Eń bastysy – munyń bári tegin atqarylady. Sebebi bul – volonterlerdiń júrek tańdaýy», – dedi Nurjan Jetpisbaev.
Kórme 4 negizgi blokqa arnalǵan. Iaǵni, «Aryspen birgemiz», 2019 jyly maýsymda áskeri bólimde órt saldarynan birneshe jarylys boldy. «Maqtaaralǵa kómek», 2020 jyly mamyrda Ózbekstandaǵy Sardoba sý qoimasy bógetiniń buzylýyna bailanysty Túrkistan oblysynyń Maqtaaral aýdanyndaǵy birneshe aýyldy sý basty. Sondai-aq, koronavirýs pandemiiasynyń aýyr kezeńinde, iaǵni 2020 jyly jazda karantin jariialanǵan kezde áleýmettik turǵyda osal otbasylarǵa meditsinalyq maskalar men azyq-túlik jiyntyqtaryn taratýǵa arnalǵan «Biz Birgemiz» aýqymdy aktsiiasy qolǵa alyndy. Ótken aida Qostanai oblysynda órt bastalǵan kezde «Qostanaiǵa kómek» aktsiiasy ótti.
Kórme qonaǵy, stýdent Nargiz Álibekovanyń aitýynsha, jastardyń mundai qyzmeti qashan da qurmetke laiyq.
«Buǵan deiin volonterler týraly jazbalardy áleýmettik jelilerden oqyp júrdim. Al bul kórmege degen tańdanysym tipten erekshe. Sebebi eriktilerdiń eńbegin jańa qyrynan kórdim. Tipti, bolashaqta volonterler qataryna qosylsam ba degen oi keldi», – dedi ol.
