Eńbek jáne halyqty áleýmettik qorǵaý ministri Birjan Nurymbetov tótenshe jaǵdai rejimine qaramastan jumystan shyǵyp qalǵan azamattar 6 ailyq áleýmettik tólemdi qalai alatynyn aityp berdi, dep habarlaidy "Ult aqparat".
«Tótenshe jaǵdaiǵa qaramastan jumystan shyǵyp qalǵan azamattar, jaldamaly jumysshylar Memlekettik saqtandyrý qorynan 6 aiǵa deiin ózderiniń jalaqysynyń 40 paiyzyna teń aqy alatyn bolady. Ol úshin de egov.kz portalynyń «jumyspen qamtý» aidaryndaǵy «jumys izdeýshi» degen bólimine tirkelesiz. Úsh kúnnen keiin sizdi mindetti túrde jumyssyz retinde tirkeidi. Osydan keiin avtomatty túrde jumysyn joǵaltqan adam retinde 6 aiǵa tólenetin tólem sizge taǵaiyndalady», - dedi Birjan Nurymbetov OKQ-da ótken baspasóz máslihatynda.
Ministrdiń aitýynsha naýryz aiynyń ózinde elimizdegi 12 729 adamǵa jumys tabylǵan. Onyń ishinde karantin jariialanǵan qalalarda 2 331 adam jumyspen qamtý ortalyǵy arqyly elektrondy túrde habarlasyp, jumys tapqan.
