Foto: QR OAM
Biyl tehnikalyq jáne jumysshy mamandyqtardy tańdaǵan barlyq stýdent kolledjderde tegin oqidy. Úkimet otyrysynda Oqý-aǵartý ministri Ǵani Beisembaev memlekettik tapsyrys aiasynda kolledjderge 150 myń stýdent qabyldaý josparlanǵanyn, onyń 70%-y tehnikalyq baǵyttarǵa bólingenin málimdedi, dep habarlaidy Ult.kz.
Ministrdiń aitýynsha, jastar jumysqa ornalasýǵa kepildik beretin kásiporyndardyń maqsatty tapsyrysy boiynsha bilim alýda. Sońǵy úsh jylda mundai stýdentter sany úsh esege artyp, 30 myńǵa jetken. Jyl sońyna deiin bul kórsetkishti 45 myńǵa deiin jetkizý kózdelip otyr.
Tehnikalyq jáne kásiptik bilim berý júiesi transformatsiia kezeńinde. Zań júzinde IT-mamandardy daiarlaýda qoldanylyp júrgen onlain-oqytý formaty kolledjderde de engizildi. Jańa oqý jylynda bes otandyq kolledjdi internatsionalizatsiialaý josparlanyp otyr. Sonymen qatar, mekteptermen qatar, kolledjder júiesine jasandy intellekt tehnologiialary engizilmek.
Kolledjder men jumys berýshiler arasyndaǵy áriptestik nyǵaiyp keledi. Dýaldi oqytý tájiribesi keńeiip, sheftik qoldaý kórsetetin kásiporyndar sany bir jylda jeti ese ósip, 4 myńǵa jetken. Biznes ókilderimen birlesip, 10 myń bilim berý baǵdarlamasy ázirlengen.
Jańa oqý jylynda 1500 oqytýshy kásiporyndar bazasynda taǵylymdamadan ótip, biliktiligin arttyrady.
.jpeg)