Jumyspen qamtýdyń 2020-2021 jyldarǵa arnalǵan jol kartasy sheńberinde 6,7 myń áleýmettik mańyzy bar infraqurylym jobasy iske asyrylyp jatyr. Onda 130 myń teńge ortasha jalaqymen 239 myń adam jumyspen qamtylǵan, dep habarlaidy "Ult aqparat".
Eńbek jáne halyqty áleýmettik qorǵaý ministrliginiń málimetine sensek, jol kartasynyń infraqurylym jobalaryn iske asyrý 4 negizgi baǵyt boiynsha júrgizilýde:
- áleýmettik-mádeni obektilerdi kúrdeli jáne aǵymdaǵy jóndeý, rekonstrýktsiia jáne salý;
- turǵyn úi-kommýnaldyq sharýashylyq obektilerin kúrdeli, ortasha jáne aǵymdaǵy jóndeý, rekonstrýktsiialaý;
- injenerlik-kóliktik infraqurylymdy kúrdeli, ortasha jáne aǵymdaǵy jóndeý, rekonstrýktsiialaý, salý;
- eldi mekenderdi abattandyrý.
Otandyq óndirýshilerdiń taýarlary men qyzmetteriniń keminde 90%-yn qoldaný - infraqurylym jobalaryn iske asyrýdyń erekshe sharty.
Qyzmetkerlerdiń keminde jartysy halyqty jumyspen qamtý ortalyqtary arqyly jaldanady jáne jumyssyz jastarǵa basymdyq beriledi.
Merdigerler sanitarlyq-epidemiologiialyq sharalardy qoldana otyryp, qaýipsiz eńbek jaǵdaiyn qamtamasyz etýge tiis.
2020 jyldyń qorytyndysy boiynsha óńirlerde 6,7 myń joba boiynsha jumys bastaldy, 239 myń jumys orny ashyldy.
Onyń ishinde 120 myńnan astamy halyqty jumyspen qamtý ortalyqtary arqyly quryldy.
Baǵdarlamaǵa qatysýshylardyń jartysy - aýyl turǵyndary, 39% - jastar jáne 7% - tabysy az azamattar.
Qabyldanǵan sharalar jumyssyzdyqty - 5%, jastar jumyssyzdyǵyn - 3,9% deńgeiinde ustap turýǵa múmkindik berdi.
Jol kartasymen jumyspen qamtylǵandardyń eń kóp úlesi Túrkistan (25,3 myń), Shyǵys Qazaqstan (21 myń), Jambyl (20 myń) oblystarynda, sondai-aq Almaty qalasynda (21,4 myń).
JQJK jobalary bolashaqta 100 myńnan astam turaqty jumys ornyn ashýǵa negiz bolady dep kútilýde.
