Elordada «Qoǵamdyq jumystar» baǵdarlamasy iske qosyldy. Bul aldyn ala kásibi daiarlyqty talap etpeitin eńbek qyzmeti. Uzaqtyǵy 2020 jyldyń 31 jeltoqsanyna deiin, dep habarlaidy "Ult aqparat".
«Qoǵamdyq jumystar» baǵdarlamasy - aldyn ala kásibi daiarlyqty talap etpeitin eńbek qyzmeti. Uzaqtyǵy 2020 jyldyń 31 jeltoqsanyna deiin. Eńbekaqy mólsheri 85 000 tenge. Kelem degen azamattarǵa oryn bar», - deidi «Nur-Sultan qalasy ákimdiginiń Halyqty jumyspen qamtý ortalyǵy» KMM jumysqa ornalasýǵa járdemdesý bóliminiń jetekshisi Azamat Baitasov.
Sondai-aq, ol «Áleýmettik jumys oryndary» baǵdarlamasy týraly toqtalyp ótti.
«Áleýmettik jumys oryndary» baǵdarlamasy jumys berýshini qoldaý maqsatynda qolǵa alynǵan. Jumyspen qamtý ortalyǵy ýaqytsha jumysqa joldaǵan azamattardyń jalaqysynyń 35%-yn memleket tóleidi. Bul jumys berýshige kishkentai bolsyn kómek. Bul baǵdarlama boiynsha jalaqy mólsheri 50 myń teńgeden bastap 370 myń teńgege deiin. Áleýmettik jumys oryndary jumyssyzdar úshin, olardyń ishinde basymdyq az qamtylǵan jáne kóp balaly otbasylardyń múshelerine, múgedek balalardy tárbielep otyrǵan adamdarǵa, sondai-aq «Halyqty jumyspen qamtý týraly» Zańnyń 20-baby 2-tarmaǵynyń 1) - 9) tarmaqshalarynda atalǵan adamdarǵa qurylady», - deidi ol.
