Qazaqstan Respýblikasy Mádeniet jáne sport ministrligi Til saiasaty komitetiniń uiymdastyrýymen 2020 jylǵy 22 shildede Qazaq tili álipbiin latyn grafikasyna kóshirý jónindegi Ulttyq komissiia janyndaǵy Orfografiialyq jumys tobynyń otyrysy onlain júiede ótti.
Bul ǵylymi jiyn «Qazaq tili álipbiin latyn grafikasyna 2025 jylǵa deiingi kezeń-kezeńimen kóshirý jónindegi is-sharalar jospary» aiasynda uiymdastyryldy.
Otyrysqa QR Bilim jáne ǵylym ministrligi Ǵylym komitetiniń tóraǵasy J.D.Qurmanǵalieva qatysyp, jańa álipbidi engizý máseleleri boiynsha sóz sóiledi.
Otyrys QR Mádeniet jáne sport ministrligi Til saiasaty komiteti tóraǵasynyń mindetin atqarýshy, Orfografiialyq jumys tobynyń múshesi Á.K.Qabanyń tóraǵalyǵymen ótti.
Otyrysqa Orfografiialyq jumys tobynyń quramyndaǵy A.Baitursynuly atyndaǵy Til bilimi institýtynyń, Abai atyndaǵy Qazaq ulttyq pedagogikalyq, Nazarbaev, L.N.Gýmilev atyndaǵy Eýraziia ulttyq, E.A.Bóketov atyndaǵy Qaraǵandy memlekettik, Pavlodar memlekettik pedagogikalyq ýniversitetteriniń jáne Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń ǵalymdarynan turatyn jumys tobynyń músheleri qatysty.
Álipbidi jetildirý jumystarynyń barysy týraly QR Mádeniet jáne sport ministrligi Til saiasaty komiteti tóraǵasynyń orynbasary, Orfografiialyq jumys tobynyń múshesi Á.K.Qaba negizgi baiandama jasady. Ol óz baiandamasynda Ministrlik tarapynan jańa álipbidi qabyldaýǵa bailanysty jumystardyń maqsaty, nátijesi jóninde tolyq aqparat berdi. Sonymen birge alda turǵan mindetter jóninde de aityp ótti.
Álipbidiń jetildirilgen nusqasynyń jobasy Ahmet Baitursynuly atyndaǵy Til bilimi institýtynyń jáne Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń ǵylymi keńesterinde talqylanyp, Orfografiialyq jumys tobynyń qaraýyna usynylǵan. Otyrysta osy jobalar jumys toby músheleri tarapynan keńinen talqylandy. Ǵalymdardyń usynystary men pikirleri tyńdaldy.
Kún tártibinde, sondai-aq, qazaq tiliniń emle erejeleri boiynsha A.Baitursynuly atyndaǵy Til bilimi institýtynyń direktory, filologiia ǵylymdarynyń kandidaty A.Fazyljanova baiandama jasady. Álipbi jobalarynyń IT baǵdarlamalarǵa sáikestigi boiynsha Ulttyq komissiia janyndaǵy Tehnikalyq jáne aqparattyq súiemeldeý jónindegi jumys tobynyń múshesi, IT mamany R.Izǵali baiandama jasady.
Ulttyq komissiia janyndaǵy Orfografiialyq jumys tobynyń músheleri osy ǵylymi jiynda talqylap, ǵalymdar maquldaǵan latyn álipbiiniń jobasy Ulttyq komissiiaǵa jiberiletin bolyp sheshildi. Sonymen birge emle erejeleride jumys toby músheleri tarapynan taǵy da pysyqtalyp, atalǵan komissiiaǵa usynylatyn boldy.
