قازاقستان رەسپۋبليكاسى مەدەنيەت جەنە سپورت مينيسترلٸگٸ تٸل ساياساتى كوميتەتٸنٸڭ ۇيىمداستىرۋىمەن 2020 جىلعى 22 شٸلدەدە قازاق تٸلٸ ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا جانىنداعى ورفوگرافييالىق جۇمىس توبىنىڭ وتىرىسى ونلاين جٷيەدە ٶتتٸ.
بۇل عىلىمي جيىن «قازاق تٸلٸ ەلٸپبيٸن لاتىن گرافيكاسىنا 2025 جىلعا دەيٸنگٸ كەزەڭ-كەزەڭٸمەن كٶشٸرۋ جٶنٸندەگٸ ٸس-شارالار جوسپارى» اياسىندا ۇيىمداستىرىلدى.
وتىرىسقا قر بٸلٸم جەنە عىلىم مينيسترلٸگٸ عىلىم كوميتەتٸنٸڭ تٶراعاسى ج.د.قۇرمانعاليەۆا قاتىسىپ, جاڭا ەلٸپبيدٸ ەنگٸزۋ مەسەلەلەرٸ بويىنشا سٶز سٶيلەدٸ.
وتىرىس قر مەدەنيەت جەنە سپورت مينيسترلٸگٸ تٸل ساياساتى كوميتەتٸ تٶراعاسىنىڭ مٸندەتٸن اتقارۋشى, ورفوگرافييالىق جۇمىس توبىنىڭ مٷشەسٸ ە.ك.قابانىڭ تٶراعالىعىمەن ٶتتٸ.
وتىرىسقا ورفوگرافييالىق جۇمىس توبىنىڭ قۇرامىنداعى ا.بايتۇرسىنۇلى اتىنداعى تٸل بٸلٸمٸ ينستيتۋتىنىڭ, اباي اتىنداعى قازاق ۇلتتىق پەداگوگيكالىق, نازارباەۆ, ل.ن.گۋميلەۆ اتىنداعى ەۋرازييا ۇلتتىق, ە.ا.بٶكەتوۆ اتىنداعى قاراعاندى مەملەكەتتٸك, پاۆلودار مەملەكەتتٸك پەداگوگيكالىق ۋنيۆەرسيتەتتەرٸنٸڭ جەنە ش.شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعىنىڭ عالىمدارىنان تۇراتىن جۇمىس توبىنىڭ مٷشەلەرٸ قاتىستى.
ەلٸپبيدٸ جەتٸلدٸرۋ جۇمىستارىنىڭ بارىسى تۋرالى قر مەدەنيەت جەنە سپورت مينيسترلٸگٸ تٸل ساياساتى كوميتەتٸ تٶراعاسىنىڭ ورىنباسارى, ورفوگرافييالىق جۇمىس توبىنىڭ مٷشەسٸ ە.ك.قابا نەگٸزگٸ بايانداما جاسادى. ول ٶز بايانداماسىندا مينيسترلٸك تاراپىنان جاڭا ەلٸپبيدٸ قابىلداۋعا بايلانىستى جۇمىستاردىڭ ماقساتى, نەتيجەسٸ جٶنٸندە تولىق اقپارات بەردٸ. سونىمەن بٸرگە الدا تۇرعان مٸندەتتەر جٶنٸندە دە ايتىپ ٶتتٸ.
ەلٸپبيدٸڭ جەتٸلدٸرٸلگەن نۇسقاسىنىڭ جوباسى احمەت بايتۇرسىنۇلى اتىنداعى تٸل بٸلٸمٸ ينستيتۋتىنىڭ جەنە ش.شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعىنىڭ عىلىمي كەڭەستەرٸندە تالقىلانىپ, ورفوگرافييالىق جۇمىس توبىنىڭ قاراۋىنا ۇسىنىلعان. وتىرىستا وسى جوبالار جۇمىس توبى مٷشەلەرٸ تاراپىنان كەڭٸنەن تالقىلاندى. عالىمداردىڭ ۇسىنىستارى مەن پٸكٸرلەرٸ تىڭدالدى.
كٷن تەرتٸبٸندە, سونداي-اق, قازاق تٸلٸنٸڭ ەملە ەرەجەلەرٸ بويىنشا ا.بايتۇرسىنۇلى اتىنداعى تٸل بٸلٸمٸ ينستيتۋتىنىڭ ديرەكتورى, فيلولوگييا عىلىمدارىنىڭ كانديداتى ا.فازىلجانوۆا بايانداما جاسادى. ەلٸپبي جوبالارىنىڭ ٸت باعدارلامالارعا سەيكەستٸگٸ بويىنشا ۇلتتىق كوميسسييا جانىنداعى تەحنيكالىق جەنە اقپاراتتىق سٷيەمەلدەۋ جٶنٸندەگٸ جۇمىس توبىنىڭ مٷشەسٸ, ٸت مامانى ر.ٸزعالي بايانداما جاسادى.
ۇلتتىق كوميسسييا جانىنداعى ورفوگرافييالىق جۇمىس توبىنىڭ مٷشەلەرٸ وسى عىلىمي جيىندا تالقىلاپ, عالىمدار ماقۇلداعان لاتىن ەلٸپبيٸنٸڭ جوباسى ۇلتتىق كوميسسيياعا جٸبەرٸلەتٸن بولىپ شەشٸلدٸ. سونىمەن بٸرگە ەملە ەرەجەلەرٸدە جۇمىس توبى مٷشەلەرٸ تاراپىنان تاعى دا پىسىقتالىپ, اتالعان كوميسسيياعا ۇسىنىلاتىن بولدى.
