2020 jyldyń 7 aiynda elimizdiń jumys kúshi jetispeitin óńirlerine 1 myń otbasyn qonys aýdardy. Bul týraly QR Eńbek jáne halyqty áleýmettik qorǵaý vitse-ministri Serik Shapkenov aitty, dep habarlaidy "Ult aqparat".
«Keibir óńirde jumys kúshi jetkilikti, tipti artyq dep aitýǵa bolady. Al keibir óńirde jetispeidi. Osyǵan orai «Eńbek« baǵdarlamasyna ózgeris engizilgen edi. Nátijesinde osy jyldyń 7 aiynda 1 myń otbasy eńbek kúshi jetkilikti óńirden eńbek kúshi jetispeitin óńirlerge qonys aýdardy. Atalǵan otbasylardyń 1 939 múshesi jumys isteýge qabiletti bolsa, sonyń qazirgi ýaqytta 1 420-sy jumyspen qamtamasyz etildi», - dedi ol Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, qonys aýdarǵan otbasylarǵa 35 ailyq eseptik kórsetkish mólsherinde qoldaý kórsetiledi. Munan bólek 1 jyl boiy jaldap turatyn baspana shyǵyndary men kommýnaldyq tólemderine sýbsidiia beriledi. Sýbsidiia kólemi 15-ten 30 AEK-ke deiin.
