12 qazanda Nurlan Ábdirovtiń tóraǵalyǵymen Qazaqstan Respýblikasy Ortalyq sailaý komissiiasynyń otyrysy ótti. Oǵan saiasi partiialardyń, buqaralyq aqparat quraldarynyń ókilderi, beinekonferentsbailanys rejiminde oblystardyń, respýblikalyq mańyzy bar qalalardyń jáne astananyń aýmaqtyq sailaý komissiialarynyń músheleri qatysty, dep habarlaidy "Ult aqparat" OSK baspasóz qyzmetine silteme jasap.
Otyrysta Qazaqstan Respýblikasynyń Prezidenttigine kandidat Jumatai Álievtyń sáikestigin anyqtaý máselesi qaraldy.
"Kún tártibindegi másele boiynsha Ortsailaýkom múshesi Anastasiia Shegortsova baiandama jasady. Ol Qazaqstan Respýblikasy Prezidenttigine kandidat Jumatai Álievqa qatysty sailaý týraly Konstitýtsiialyq zańnyń 59-babynyń talaptaryna sáikes QR OSK ýákiletti memlekettik organdarǵa tiisti suraýlar salýlar jiberilgenin habarlady. Quzyretti memlekettik organdardan kelgen málimetterge sai azamat Jumatai Álievqa qatysty Qazaqstan Respýblikasy Prezidenttigine kandidat retinde tirkelýge kedergiler joq ekeni anyqtaldy.
Máselen, QR Bas prokýratýrasynyń quqyqtyq statistika jáne arnaiy esepke alý jónindegi komitetiniń málimetine sai Jumatai Áliev Qazaqstan Respýblikasynyń Prezidenttigine kandidattarǵa qoiylatyn Konstitýtsiia men «QR sailaý týraly» KZ talaptaryna sáikes keledi", - delingen habarlamada.
Usynylǵan málimetterge sai:
Ishki ister ministrligi Jumatai Áliev týmysynan Qazaqstan Respýblikasynyń azamaty bolyp tabylady, Qazaqstanda sońǵy 70 jyl boiy turady;
Qazaqstan Respýblikasynyń memlekettik qyzmet isteri agenttigi memlekettik qyzmettegi jáne sailanbaly memlekettik laýazymdardaǵy jumys tájiribesi – 6 jyl 9 ai;
Ádilet ministrligi usynǵan málimetterge sai Qazaqstan Respýblikasynyń Prezidenttigine kandidatty usynǵan «Halyq demografiiasy» qoǵamdyq birlestiginiń Qazaqstan Respýblikasynyń Ádilet ministrliginde tirkelgeni týraly qujaty bar.
Lingvistikalyq komissiianyń 2022 jylǵy 12 qazandaǵy qorytyndysy negizinde memlekettik tildi erkin meńgergen. Joǵary bilimi bar (diplomnyń túpńusqasymen salystyryp tekserý júrgizildi).
Osyǵan bailanysty Ortsailaýkom qaýly qabyldady:
1. Qazaqstan Respýblikasynyń Prezidenttigine kandidat Jumatai Áliev Qazaqstan Respýblikasynyń Konstitýtsiiasynda jáne «Qazaqstan Respýblikasyndaǵy sailaý týraly» Qazaqstan Respýblikasynyń 1995 jylǵy 28 qyrkúiektegi Konstitýtsiialyq zańynda oǵan qoiylatyn talaptarǵa sáikes ekeni anyqtalsyn.
2. Qazaqstan Respýblikasynyń Prezidenttigine kandidatty qoldaityn qoldardy jinaý úshin qol qoiý paraqtary qajetti mólsherde berilsin.
Qol jinaýdy kandidattyń senim bildirilgen adamdary júzege asyrady. Senim bildirilgen adamdardy tirkeýdi aýmaqtyq sailaý komissiialary ortsailaýkomnyń 2011 jylǵy 21 qarashadaǵy № 62/108 qaýlysymen bekitilgen Nusqaýlyq negizinde júzege asyratyn bolady.
