Serik Jumanǵarin Qazaqstan Respýblikasy Premer-ministriniń orynbasary - Saýda jáne integratsiia ministri bolyp taǵaiyndaldy, - dep habarlaidy "Ult aqparat" Aqordaǵa silteme jasap.
"Serik Maqashuly Jumanǵarin Qazaqstan Respýblikasy Premer-ministriniń orynbasary - Saýda jáne integratsiia ministri bolyp taǵaiyndalsyn", - delingen Prezident Jarlyǵynda.
15 tamyzda Jumanǵarin Premer-ministrdiń orynbasary – Saýda jáne integratsiia ministri qyzmetin atqarýshy bolyp taǵaiyndalǵan edi. Bul laýazymdy atqarǵan Baqyt Sultanov eldegi qant tapshylyǵyna bailanysty 15 tamyzda qyzmetten bosaǵan. Shildede Sultanov importqa táýeldi bolǵandyqtan, azyq-túlik pen qant baǵasy qymbattap ketkenin, soǵysqa deiin Qazaqstan qanttyń 70 paiyzyn Reseiden alyp kelgenin aitqan edi.
Batys elderi Reseige sanktsiia salǵan soń, Máskeý keibir azyq-túliktiń importyna shekteý qoiǵan. Osydan keiin Qazaqstanda qant baǵasy kúrt ósip, keibir aimaqta qant tapshylyǵy bolǵan.
Jumanǵarin tamyzda ministr mindetin atqarýǵa kiriskende "ministrlik qant alatyn basqa elderdi izdep jatqanyn" aityp, Iran men Aýǵanstandy ataǵan.
53 jastaǵy Serik Jumanǵarin 2020 jyly qyrkúiekten bastap eki jyldai básekelestikti qorǵaý jáne damytý agenttiginiń tóraǵasy bolǵan. Al 2017-2019 jyldary Ulttyq ekonomika ministriniń orynbasary qyzmetin atqardy.
