سەرٸك جۇمانعارين قازاقستان رەسپۋبليكاسى پرەمەر-مينيسترٸنٸڭ ورىنباسارى - ساۋدا جەنە ينتەگراتسييا مينيسترٸ بولىپ تاعايىندالدى, - دەپ حابارلايدى "ۇلت اقپارات" اقورداعا سٸلتەمە جاساپ.
"سەرٸك ماقاشۇلى جۇمانعارين قازاقستان رەسپۋبليكاسى پرەمەر-مينيسترٸنٸڭ ورىنباسارى - ساۋدا جەنە ينتەگراتسييا مينيسترٸ بولىپ تاعايىندالسىن", - دەلٸنگەن پرەزيدەنت جارلىعىندا.
15 تامىزدا جۇمانعارين پرەمەر-مينيستردٸڭ ورىنباسارى – ساۋدا جەنە ينتەگراتسييا مينيسترٸ قىزمەتٸن اتقارۋشى بولىپ تاعايىندالعان ەدٸ. بۇل لاۋازىمدى اتقارعان باقىت سۇلتانوۆ ەلدەگٸ قانت تاپشىلىعىنا بايلانىستى 15 تامىزدا قىزمەتتەن بوساعان. شٸلدەدە سۇلتانوۆ يمپورتقا تەۋەلدٸ بولعاندىقتان, ازىق-تٷلٸك پەن قانت باعاسى قىمباتتاپ كەتكەنٸن, سوعىسقا دەيٸن قازاقستان قانتتىڭ 70 پايىزىن رەسەيدەن الىپ كەلگەنٸن ايتقان ەدٸ.
باتىس ەلدەرٸ رەسەيگە سانكتسييا سالعان سوڭ, مەسكەۋ كەيبٸر ازىق-تٷلٸكتٸڭ يمپورتىنا شەكتەۋ قويعان. وسىدان كەيٸن قازاقستاندا قانت باعاسى كٷرت ٶسٸپ, كەيبٸر ايماقتا قانت تاپشىلىعى بولعان.
جۇمانعارين تامىزدا مينيستر مٸندەتٸن اتقارۋعا كٸرٸسكەندە "مينيسترلٸك قانت الاتىن باسقا ەلدەردٸ ٸزدەپ جاتقانىن" ايتىپ, يران مەن اۋعانستاندى اتاعان.
53 جاستاعى سەرٸك جۇمانعارين 2020 جىلى قىركٷيەكتەن باستاپ ەكٸ جىلداي بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى بولعان. ال 2017-2019 جىلدارى ۇلتتىق ەكونوميكا مينيسترٸنٸڭ ورىنباسارى قىزمەتٸن اتقاردى.
