Foto: primeminister.kz
Jańa Salyq kodeksin túsindirýge arnalǵan seminar barysynda vitse-premer Serik Jumanǵarin kólik, qoimaǵa saqtaý jáne jalǵa berý siiaqty salalarǵa qandai tásil qoldanylatynyn aitty, dep habarlaidy Ult.kz.
Onyń aitýynsha, munda ońailatylǵan salyq rejimin qoldanýǵa tolyq tyiym nemese ruqsat bolmaidy. Biznestiń aýqymyna qarai birte-birte almastyra otyryp júzege asyrý, iaǵni «gradatsiia qaǵidatyn» engizý josparlanýda.
Ol kriteriiler EQJJ anyqtamalyǵyna sáikes naqty qyzmet túrine bailanysty bolady dep túsindirdi. Negizgi maqsat – shaǵyn biznesti bir saladaǵy iri biznesten bólip alý.
«Árine, bári kólik túrine bailanysty bolady. Eger kásipker jeke qyzmet kórsetse, oǵan ruqsat etiledi. Al belgili bir gradatsiia úshin bul jalpyǵa birdei belgilengen rejimge kóshý qajet bolatyn qyzmet túrine jatady» — dep atap ótti vitse-premer.
