Foto: ashyq derekkóz
Tanymal prodiýser Gúlzira Aidarbekova kelini, aktrisa Juldyz Ábdikárimovaǵa qatysty áleýmettik jelidegi pikirlerge jaýap berdi, dep habarlaidy Ult.kz.
Prodiýserdiń jubaiy — belgili ánshi Qairat Nurtastyń ákesi Qudaibergen Aidarbekovtiń 60 jyldyq mereitoiy jaqynda ótken bolatyn. Alaida toidan taraǵan beinejazbalar men fotolarda Juldyz Ábdikárimova kórinbegen.
Bul jait jeli qoldanýshylarynyń nazaryn aýdardy. Olar túrli pikirler qaldyrdy:
«Juldyz kórinbeidi, ata-anasy da toiǵa kelmegen»,
«10 jyl boiy úide otyrǵyzyp qoiǵan kelinińizdiń toiǵa kelmegeni qyzyq eken»,
«Qudalary oqyǵan-toqyǵan azamattar, mundai toilarǵa kele bermeitin shyǵar»,
«Balalaryn ǵana jiberipti», «Qairat álsiz bolyp tur».
"On jyl úide otyrǵyzyp qoiǵanyna kóngen Juldyz joǵy qiyn eken. Kelinniń áke-sheshesi ziialy, oqyǵan adamdar, myna otbasynyń qaptaǵan jyrqylyna kele berýge de ýaqyttary joq shyǵar" - degen pikirge prodiýser jaýap berdi.
«Artyq ketip qaldyńyz. Insta álemine shyqpasa, aiaq-qolyn kisendep 10 jyl tyǵyp qoiypty degenge keltirip tursyz ba? Sizden júz ese durys ómir súrip jatqan shyǵar, qaidan bilesiz?
Anyq kóringisi keletin adamdy eshkim ustap otyra almaidy. Úidiń tirligine bailadym dep te aita almaimyn — bárin kómekshige jasattym, esh ýaiymdamańyz. Siz ministrler men prezidentterdiń de áielderin kórmeisiz ǵoi, nege solarǵa “áielderińdi nege shyǵarmaisyńdar?” dep qyrylmaisyz. Bireýdiń otbasyna qadalyp ne boldy sizge? Meniń kelinderimniń beishara túrin kórip pa edińiz? Elestetip kórińiz!» — dep jaýap qatty Gúlzira Aidarbekova.
Aita keteiik, Gúlzira Aidarbekova — belgili prodiýser ári Qairat Nurtastyń anasy. Al onyń kelini, aktrisa Juldyz Ábdikárimova — otandyq kinoda jáne telejobalarda tanymal esim. Juldyz sońǵy jyldary jeke ómirin jariia etýden bas tartyp, shyǵarmashylyqpen ainalysyp júr.
