QR Eńbek jáne halyqty áleýmettik qorǵaý ministrligi Elektrondyq eńbek birjasy (budan ári – EEB) portalynda júktilikke jáne bosanýǵa bailanysty tabystan aiyrylǵan jaǵdaida tólenetin áleýmettik tólemderdi proaktivti formatta taǵaiyndaýǵa múmkindik beretin jańa fýnktsionaldy iske qosyldy. Bul týraly QR Eńbek jáne halyqty áleýmettik qorǵaý ministrliginiń baspasóz qyzmeti habarlady.
Osy jyldyń mamyr aiynan bastap EEB-da Qazaqstannyń jumys berýshileri úshin júktilikke jáne bosanýǵa bailanysty áleýmettik demalystardy Eńbek sharttaryn esepke alýdyń biryńǵai júiesinde tirkeý múmkindigi berildi. Osynyń arqasynda demalysqa shyqqan qyzmetkerlerge tiisti áleýmettik tólemdi taǵaiyndaýdy ótinish berýshiniń qatysýynsyz proaktivti formatta júzege asyrýǵa bolady. Bul kórsetiletin qyzmetti alýshylarǵa osy tólemdi alýǵa ótinish berý úshin halyqqa qyzmet kórsetý ortalyǵyna jeke barmaýǵa múmkindik beredi.
Júktilikke jáne bosanýǵa bailanysty áleýmettik demalysqa shyqqan jumyskerge tólemdi proaktivti túrde taǵaiyndaý úshin jumys berýshi jumyskerdiń shyǵý faktisin EEB portalyndaǵy jeke kabinette tirkeýi qajet. Derekter Eńbek sharttaryn esepke alýdyń biryńǵai júiesine jiberiledi, odan suraý salý boiynsha áleýmettik tólemder taǵaiyndaý úshin «Azamattarǵa arnalǵan úkimet» memlekettik korporatsiiasy» KEAQ-ǵa beriletin bolady. Bul rette, kórsetiletin qyzmetti alýshyǵa SMS-habarlama arqyly proaktivti formatta áleýmettik tólem taǵaiyndaýǵa kelisimin alý boiynsha suraý túsedi, oǵan úsh kún ishinde jaýap berý qajet bolady.
