Juqpaly aýrýhanalar eki deńgeili aǵynǵa bólinedi. Bul týraly Densaýlyq saqtaý ministri Aleksei Tsoi málimdedi, dep habarlaidy "Ult aqparat".
«Endi biz densaýlyq saqtaý uiymdarynyń qurylymyn qaita qarastyramyz. Karantindik aýrýhanalar bolmaidy, óitkeni olar jatyp emdelýge baǵyttalǵan. Aldaǵy aptada provizorlyq jáne juqpaly statsionarlar jaqyn arada birinshi jáne ekinshi deńgeili aǵymdaǵy dep bólinetin juqpaly aýrýlar statsionary bolyp aýysady. Birinshi deńgei - juqpaly aýrýlar aýrýhanalary, onda jasandy tynys alý apparatynyń sany artady jáne infektsiialyq aýrýlardy emdeitin negizgi mamandar sonda bolady. Ekinshi deńgei - salystyrmaly túrde aýrýdyń jeńil túrin emdeitin klinika bolady», - deidi Aleksei Tsoi.
Onyń aitýynsha, test oń nátije kórsetken naýqastar men osyǵan uqsas diagnozy bar naýqastar ártúrli qabatta jatady.
«Joǵary qabattarda Covid-19 rastalǵan naýqastar jatsa, astyńǵy qabattarda pnevmoniiamen jatqan naýqastar aýrý deńgeiine qarai bólinip jatady», - deidi ol.
