DHL júk ushaǵy Kosta-Rika astanasyna apattyq qoný kezinde ushý-qoný jolaǵynan taiyp ketip, ekige bólingen, dep habarlaidy QazAqparat Independent basylymyna silteme jasap.
Apat «DHL» kompaniiasyna tiesili Boeing 757-200 júk ushaǵynyń qatysýymen bolǵan.
Áýe kemesiniń eki ushqyshy evakýatsiialandy. Ekeýi de jaraqat alǵan joq.
Sonymen qatar, DHL «ekipajdyń bir múshesi saqtyq sharasy retinde meditsinalyq tekserýden ótedi» dep málimdedi.
Kosta-Rika biliginiń habarlaýynsha, Gvatemalaǵa bet alǵan ushaqtyń gidravikalyq júiesi isten shyqqan. Sol sebepti ushqysh San-Hose áýejaiyna shuǵyl qonýǵa májbúr bolǵan.
Apatty qoný kezinde ushaq ushý-qoný jolaǵynan shyǵyp ketip, artqy bóligi julynyp túsken, dep habarlaidy Reuters.
Atalǵan oqiǵadan keiin «Hýan Santamariia» halyqaralyq áýejaiy birneshe saǵatqa jabylǵan.
Áýe ailaǵy operatorynyń aitýynsha, apat AQSh, Ortalyq Amerika, Meksika, Kanada jáne Eýropaǵa baǵyt alǵan 57 kommertsiialyq jáne júk reisterine, sondai-aq 8500 jolaýshyǵa áserin tigizgen.
«DHL» kompaniiasy tiisti organdarmen tergeýdi bastaýǵa ýáde berip, oqiǵaǵa áreket etý tobyn iske qosqanyn habarlady.
