Tótenshe jaǵdai kezinde júk poiyzymen Aqtóbeden Qandyaǵashqa qonaqqa barmaq bolǵan 5 adam ustaldy. Bul jaiynda QR IIM Kóliktegi politsiia departamentinen málim etti, dep habarlaidy "Ult aqparat".
Tótenshe jaǵdai kezinde temirjol kóliginiń qozǵalysyna shekteý engizilgenine qaramastan, azamattar túrli joldarmen elimiz óńirlerine saparlaýǵa tyrysyp jatady. Máselen, Qandyǵash stansasynyń jelilik politsiia bóliminiń qyzmetkerleri júk poiyzymen Aqtóbe stansasynan Qandyaǵash stansasyna (Aqtóbe oblysynyń Muǵaljar aýdany) deiin barmaq bolǵan 5 adamdy ustady.
«Politsiia qyzmetkerleri quqyq buzýshylardyń Qyzylorda men Aqtóbe oblystarynyń týmasy, jastary 23 pen 56 jas aralyǵynda ekendigin anyqtady. Atalǵan tulǵalarǵa qatysty QR Ákimshilik quqyq buzýshylyq týraly kodekstiń 476-baby 6-bóligi boiynsha ákimshilik material toltyryldy», - dep atap ótedi vedomstvodan.
Sondai-aq kólik politseileri Qaraǵandy-Jolaýshylar stansasynyń temirjol vokzaly perronynda qandai da bir qujatsyz júrgen Qaraǵandy jáne Jezqazǵan qalalarynyń eki turǵynyn ustady. Qaraǵandy qalalyq mamandandyrylǵan aýdanaralyq ákimshilik sotynyń sheshimimen eki azamat da ákshilik quqyq buzýshylyq jasady dep tanyldy jáne 2 táýlikke ákimshilik qamaýǵa alyndy.
