Foto: ©️ depositphotos.com
Senat depýtaty Sergei Karpliýk endi qazaqstandyqtar 3,7 mln teńge nesie alǵysy kelse, jubaiynyń ruqsaty keregin aitty, - dep habarlaidy «Ult aqparat».
Búgin Senattyń jalpy otyrysynda halyqtyń shamadan tys kredit alýyn azaitýdy kózdeitin zań Májiliske qaitaryldy.
Senator qujatqa engizilgen negizgi normalarǵa toqtaldy.
"Endi erli-zaiypty kredit alýdy josparlasa, 3,7 mln teńge nesie (1 myń AEK, 1 – 3 692 teńge) alǵan jaǵdaida, ekeýiniń de kelisimi kerek. Condai-aq kreditti tóleý merzimin 90 kúnnen keshiktirseńiz, onda sizge bank te, mikroqarjylyq uiym da nesie bermeidi. Bul sharalardyń barlyǵy halyqtyń shamadan tys kredit alýyn tómendetýge baǵyttalǵan", - dedi depýtat Sergei Karpliýk Senattyń jalpy otyrysynan soń.
Sondai-aq zańǵa engizilgen túzetýlerge qatysty Qarjy naryǵyn retteý jáne damytý agenttigi tóraǵasynyń orynbasary Oljas Qizatov túsinik berdi.
"Birinshiden, senator Sergei Karpliýk aitqandai, (nesieniń somasyn) normativtik quqyqtyq akti aiasynda 1 myń AEK (1 AEK – 3 692 myń teńge, 3 mln 692 myń teńge) deńgeiinde bolýy kerek dep anyqtadyq. Bul – shamamen 3,7 mln teńge. Bizdiń oiymyzsha, bul soma qandai da bir shuǵyl qajettilikti jabýǵa jetedi. Onyń ishinde meditsinalyq kómek máselesi de bar.
Ekinshiden, 1 myń AEK-ti nege kórsettik? Salyq kodeksi aiasynda 2025 jyldan bastap "Qazaqstannyń barlyq azamaty 1 myń ailyq eseptik kórsetkishten (AEK) asatyn aktivin tabys deklaratsiiasynda kórsetýi kerek" degen norma kúshine enedi. Onyń ishinde sheteldik bankterdegi esepshottarda saqtalǵan qarjy da bar. 1 myń AEK mindetti túrde deklaratsiiada kórsetilýi kerek. Kelisim (nesieniń somasy) 1 myń AEK-ten (3,7 mln teńge) asqanda kerek", - dedi Qizatov.
