"Biz abdyrýǵa emes, rýhani jańǵyrýǵa bet burǵan jurtpyz". Bul týraly Ońtústik Qazaqstan oblysynyń ákimi Janseiit Túimebaev Ońtústik Qazaqstan oblysynyń Astana qalasyndaǵy kúnderi aiasyndaǵy aimaq aqyn-jazýshylarynyń shyǵarmashylyq kezdesýi men «Tulǵa. Táýelsizdik. Tarih», «Jahan tanyǵan jeti tulǵa» atty kitap kórmesiniń tusaýkeserinde aitty, dep habarlaidy "Ult aqparat" OQO ákiminiń baspasóz qyzmetine silteme jasap.
QR Ulttyq Akademiialyq kitaphanada ótkizilgen kezdesýdiń maqsaty Táýelsiz elimizdiń biregei jeńisiniń, halyqaralyq arenadaǵy jetistiginiń biri, tórtkúl dúnie kóz tikken dúniejúzilik basty oqiǵa – «EKSPO-2017» halyqaralyq mamandandyrylǵan kórmesine qoldaý kórsetý. Osynaý aitýly dúbirli merekege orai, ońtústikqazaqstandyq qalamgerler astanalyq oqyrman qaýymmen Elbasynyń «Bolashaqqa baǵdar: rýhani jańǵyrý» maqalasyn talqylaý, syr-suhbat quryp, oi bólisý bolyp tabylady.
«Rýhani jańǵyrý - bolashaqtyń kepili» atty is-sharaǵa bas qaladan meiman retinde belgili tulǵalar Orazkúl Asanǵazy, Ǵarifolla Esim, Myrzageldi Kemel, Qalqaman Sarin, Gúlǵaisha Saǵidollalar qatyssa, kúngeilik rýhani toptyń basy-qasynda Erkinbek Turysov, Marhabat Baiǵut, Hanbibi Esenqara, Áselhan Qalybekova, Baqytjan Aldiiar, Dáýren Aimanbetov jáne Muqaǵali Kenjetaiulylar qatysty. Keshti aqyn Qabylbek Tóretai júrgizip otyrdy.
Jiynda sóz bastaǵan oblys basshysy Janseiit Túimebaev Elbasynyń «Bolashaqqa baǵdar: rýhani jańǵyrý» baǵdarlamalyq maqalasy jaily oiyn bildirip, búgin tusaýy kesilip otyrǵan kitaptar kórmesindegi árbir shyǵarmaǵa erekshe toqtalyp ótti.
«Biz kezinde erikti, eriksiz alystap ketken óz rýhani qundylyqtarymyzǵa qaita kele jatqan jurtpyz. «Rýhani jańǵyrý» sonyń kórinisi. Qazirgi kezde rýhani jańǵyrý aiasynda ádebiet máselesine qatysty óreli oilar ortaǵa salynyp jatyr. Árbir oblysqa qatysqan ádebi ortanyń shyǵarmashylyq áleýetin kóterý olarǵa tyń serpin beredi. Aimaqta túrli respýblikalyq deńgeidegi mereke, aitýly kúnderge orai, sondai-aq ólkeni tanytý maqsatynda da túrli kitaptar shyǵarylyp turady. Búgin tusaýy kesilgeli otyrǵan eki kitap soǵan dálel», - dedi ol.
Sonymen, «Jahan tanyǵan jeti tulǵa» kitaby jaily tolyǵyraq tarqatsaq. Bul - bólekshe bitimdi, mazmuny men mańyzy ózgeshe týyndy. Shynynda da jahan jan–jaqtan tanyǵan, kúlli jer júzi kemeńgerler retinde moiyndaǵan, adamzattyń, álemdegi mereili memketterdiń taǵdyry men tarihynda teńdessiz ról atqarǵan jáne atqaryp kele jatqan jarqyn da jasampaz tulǵalar beinelengen. Jeti alyp ta – airyqsha alyptar. Qaitalanbas qubylystar. Olar: Nursultan Nazarbaev, Djordj Vashington, Mahatma Gandi, Ýinston Cherchill, Mýstafa Kemal Atatúrik, Sharl De Goll jáne Li Kýan Iu. Kitapta «Ǵibrat ǵumyr úzdikteri» degen taqyryppen titan tulǵalardyń árqaisysyna mánisi tereń minezdemeler berilgen. Árine, olardyń ortasynan oiyp turyp oryn alǵan Uly dala perzenti, Ult kóshbasshysy Nursultan Ábishuly Nazarbaevtyń Táýelsiz Qazaq elin qalyptastyrýdaǵy qiyn da, kúrdeli kezeńderden jol taýyp shyqqandyǵy baiandalady. Avtory Abai Eskendirov 656 betten turatyn bul kitapty 4 jylda jazyp shyqqan.
Al «Tulǵa. Táýelsizdik. Tarih» - «Lichnost. Nezavisimost. Istoriia» kitaby úsh bólimnen turady. Atalǵan týyndydaǵy «Ordabasyǵa oralý» degen alǵashqy bólimde Elbasynyń qasietti mekenge taban tiregeni týrasynda tolǵanatyn tustar jan-jaqty qamtylǵan. Kitaptyń ekinshi bóliminde Elbasymyzdyń shetel basshylarymen ońtústikte gi kezdesýleri sátti sýretterimen áńgimege arqaý bolǵan. Al úshinshi bólimde memleket basshysynyń oblysymyzǵa 1991 jyldan bastalǵan saparlary jan-jaqty baiandalady. Basylymǵa taiaýdaǵy ońtústik óńirine jasaǵan sáýirdegi sapary da engizilip otyr. Kitap eki tilde shyqqan. Eki kitap ta «Qazyǵurt» baspasynan basylǵan.
OQO ákiminiń baspasóz qyzmeti
