Foto: Akorda.kz
Jalpyulttyq sotsial-demokratiialyq partiia fraktsiiasynyń jetekshisi Ashat Rahymjanov fraktsiianyń Álihan Smaiylov kandidatýrasyna qarsy daýys berý sheshimin túsindirdi, - dep habarlaidy Tengrinews.kz saity.
"Biz parlamenttik oppozitsiia retinde fraktsiiamyzben jiyn ótkizdik, men jetekshi retinde Álihan Smaiylovtyń kandidatýrasyna qarsy daýys berýimiz kerek degen usynys jasadym. Óitkeni ótken jyldyń qorytyndysy kóńil kónshitpeidi. Bizde infliatsiia 20 paiyzdan asty. JEO-daǵy bitpeitin apattar. Tipti qarapaiym avtokólik nesiesinde de kóp suraq týyndaidy. Premer-ministrlikke kandidat usyný bizdiń quzyrymyzda emes, biraq men onyń qandai bolýy kerek ekenin bilemin", - dedi Raqymjanov Májilis otyrysynda.
Fraktsiia múshesi Nurlan Áýesbaev Qazaqstanda turatyn 20 million adamnyń ishinde "jumysty (Premer-ministrdiń - esk.) jaqsy atqaratyn adam tabylady" dep esepteidi.
"Prezident Toqaev jaqsy bastamalar usynyp otyr, biraq bul mindetterdi bul Úkimetpen sheshý múmkin emes. Men bul laýazymda kimdi kóretinimdi aita almaimyn. Biraq biz Úkimettiń atqarǵan jumysyna kóńilimiz tolmaidy. Biz bul týraly ashyq aitamyz. Qudaiǵa shúkir, 20 million halyq bar, jaqsy jumys isteitin adam tabylady. Úkimette qatelikter jetedi. Eń bastysy - áleýmettik saiasat", - dedi Áýesbaev sózinde.
Jýrnalist Rahymjanovtan premer-ministr retinde kimdi kóretinin surady.
"Pikir aitqym kelmeidi. Biraq (jańa Premer-ministr - esk.) kásibi maman bolýy kerek. Onyń boiynda qandai qasietter bolýy kerek?! Ol azamattardyń ál-aýqatyn jaqsartý úshin áleýmettik jáne ishki saiasat máselelerin birinshi orynǵa qoiýy kerek. Óitkeni azamattarymyzdyń bailyǵynyń jyl saiyn tómendep jatqanyn kórip otyrmyz. Infliatsiia, ónim baǵasynyń, tarifterdiń ósýi", - dep jaýap berdi ol.
